سومكەڭىزدەگى بۇيىمنان مىنەزىڭىزدى تانىڭىز

نۇر- سۇلتان. قازاقپارات - ادامنىڭ كيىمى، ءاتىرى، سومكەسى ارقىلى ونىڭ ءبىتىم-بولمىسىن، ىشىندەگى سىردى بىلۋگە بولادى.

سونىڭ ىشىندە سومكە ارۋلاردىڭ كۇندەلىكتى ومىرىندە ماڭىزدى ءرول اتقاراتىن بۇيىم ەكەنىنە ەشكىم كۇمان كەلتىرمەيدى. قاي جەرگە بارسا دا قولدان تۇسپەيتىن سومكە ۇلكەن-كىشى كولەمىنە ءتۇر-تۇسىنە، سىرت پىشىنىنە، ارزان-قىمباتتىعىنا بايلانىستى يەسىنىڭ مىنەز-قۇلقىنان حابار بەرىپ تۇرادى.

سومكەنى كەرەك-جاراقتاردى سالىپ ءجۇرۋ ءۇشىن ۇستايتىندار بولسا، جاي عانا ۇيلەسىمدىك اكسەسسۋار رەتىندە ۇستاپ جۇرەتىندەر دە ءجيى كەزدەسەدى. سومكە ۇستاۋ ەرەجەسى مەكتەپ كەزىنەن قالىپتاسادى. ناقتى كەرەك كىتاپ-داپتەرلەر مەن قالامىن عانا سالاتىن ۇقىپتى وقۋشىلار بولادى. كەرەك ەمەس قاعازدارمەن تولتىرىپ جۇرەتىندەر بولادى. سوعان ساي نە كەرەكتىڭ ءبارى سومكەسىنەن تابىلاتىندار دا بار. ءبىر قالام مەن ءبىر داپتەردى تاسيتىندار دا كەزدەسەدى. قىسقاسى، سومكەنىڭ ىشىنە قاراپ ادامدى تاني الامىز.

ىسكەر بويجەتكەندەردىڭ سومكەسى - ءارقاشان ءتارتىپ پەن تازالىق بولادى. ونىڭ ىشىندە بىرنەشە قالام، كۇندەلىك، داپتەر، پلانشەت نەمەسە سمارتفون، كىتاپ تابا الاسىز. مۇنداي ارۋ ءوز-وزىنە سەنىمدى، باتىل، مانساپ قۋىپ، جەتىستىككە جەتۋگە ۇمتىلادى، كاسىبىندە تابىستى بولادى.

ۇقىپتى قىزدىڭ سومكەسىندە - ءومىردىڭ كەز كەلگەن جاعدايى ءۇشىن قاجەتتى زاتتار تابىلادى. ينە مەن ءجىپ، ءدارى، شۇلىقتار جانە تاعى باسقا مايدا ۇساق-تۇيەكتەر. بۇل سومكەنىڭ قوجايىنى ۇقىپتى، ەپتى كەز كەلگەن جاعدايدان شىعار جول تابا الاتىن ارۋ.

رومانتيكالىق قىزداردىڭ سومكەسىنىڭ - ىشىنەن تابىلمايتىن زات بولمايدى. ءارى ونىڭ جارتىسىنان كوبى قاجەت ەمەس، ارتىق زاتتار. كەشە بارعان كينونىڭ بيلەتى، وقىلىپ قويعان جۋرنال جانە سول سياقتى قاجەت ەمەس دۇنيەلەر. مۇنداي ارۋ ارمانداۋدى جاقسى كورەدى، ومىرگە جەڭىل قارايدى.

ۇستامدى قىزدىڭ سومكەسىندە - ارتىق نارسە كەزدەسپەيدى. كىلتتەر، تەلەفون، ءاميان سىندى تۇرمىسقا ەڭ قاجەتتى زاتتار عانا سالىناتىن سومكە ءوز يەسىن ۇستامدى، سابىرلى، بويجەتكەن رەتىندە كورسەتەدى.

تۇراقسىز قىزدىڭ سومكەسىندە - قاجەت ەمەس زاتتاردىڭ كوپتىگى ءسىزدى تاڭ قالدىرماي قويمايدى. ەڭ قىزىعى، بۇل سومكەنىڭ قوجايىنى ءوز سومكەسىنىڭ قانداي جاعدايدا ەكەنىن تولىق تۇسىنبەيدى. ومىرىندە دە ول تۇراقتى ەمەس. سۇيىكتى جاندارمەن وڭايلىقپەن ايىرىلىسىپ، جاڭا تانىستارمەن وڭايلىقپەن قاۋىشادى.

massaget.kz