الەمدەگى ەڭ ۇلكەن سيىر – فوتو

نۇر-سۇلتان. قازاقپارات - الەمدەگى ەڭ ۇلكەن سيىر اۋستراليانىڭ وڭتۇستىگىندەگى گلەنكو ايماعىنان تابىلدى. «ۇلكەن مۋ» دەگەن اتقا يە تۇلىكتى زەرتتەۋشى ماماندار الەمدەگى ەڭ ءىرى سيىر رەتىندە رەكوردتار كىتابىنا تىركەمەك.

«ۇلكەن مۋدىڭ» سالماعى ءبىر تونناعا جۋىقتايدى ەكەن. بويىنىڭ بيىكتىگى - 2 مەتر، ال ۇزىندىعى 4,5 مەتردەن اسادى.

ەڭ ەرەكشە سيىردى كورۋگە كەلۋشىلەر سانى دا كوپ ەكەن. ال سيىردىڭ قوجايىنى مەن كورشىلەرى ونىڭ جۋاس ەكەنىن ايتادى.

- ۇلكەن مۋر وتە جۋاس جانۋار. ەشكىمگە كەسىرى تيگەن جوق. جىل سايىن ءوسىپ كەلەدى. زەرتتەۋشىلەر الەمدەگى ەڭ ۇلكەن سيىر ەكەنىن مويىنداپ وتىر. ەندى رەسمي تۇردە رەكوردتار كىتابىنا ەنۋ عانا قالدى، - دەيدى سيىردىڭ يەسى.

سيىردىڭ ەرەكشە ۇلكەن بولۋىن زەرتتەگەن ماماندار ونىڭ مي بولىگىندەگى گيپوفيز بەزىندە ىسىك بار ەكەنىن انىقتاعان. ناتيجەسىندە ءوسۋ گارمونى كوپ بولىنەدى ەكەن.

massaget.kz