قىتايدا جىبەك جولىنىڭ بۇقارالىق اقپارات قۇرالدارى وداعى قۇرىلدى
دەپ حابارلايدى قىتايداعى قازاقپارات ءتىلشىسى.
قۇجاتتىڭ ءماتىنىن «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى اسەل تولەگەنوۆا وقىپ شىقتى.
قۇجاتتا ب ا ق اراسىندا «ءبىر بەلدەۋ، ءبىر جول» ەلدەرى اراسىنداعى ءتۇرلى ديالوگتار ۇيىمداستىرۋ، اقپارات جانە ماسس- مەديا سالاسىنداعى تەحنولوگيامەن الماسۋ، بىرلەسكەن سۇحباتتار قۇرۋ كوزدەلگەن.
ايتا كەتەيىك، فورۋم «ەكسپو الەمنىڭ تاريحي جانە مادەني قالالارى» اياسىندا ءوتىپ جاتىر. ونى قىتايدىڭ شەت تىلدەردەگى ادەبيەتتەر باسپا باسقارماسى مەن «رىن مين حۋا باۋ» (China Pictorial) باسپاسىنىڭ قولداۋىمەن جانە جاردەمدەسۋىمەن نانكين ۇكىمەتى ۇيىمداستىردى، دەپ حابارلادى نانجيڭ باسپا ءسوز كەڭسەسى جانە نانجيڭ راديو حابار تاراتۋ، كينەماتوگرافيا جانە تەلەۆيدەنيە كورپوراتسياسى.
فورۋمنىڭ باستى تاقىرىبى - «پىكىر ءبىرتۇتاستىعى، بىرلەسكەن قۇرىلىس، ورتاق كۇشتەردىڭ جەمىسىن پايدالانۋ: «ءبىر بەلدەۋ، ءبىر جول» اياسىندا ب ا ق ىنتىماقتاستىعى. وعان «ءبىر بەلدەۋ، ءبىر جول» ماڭىندا ورنالاسقان 13 ەلدەن 20 مەديا قۇرىلىم وكىلدەرى قاتىستى».
شارا ءۇش پانەلدى پىكىرتالاس وتكىزۋدى كوزدەيدى: «جىبەك جولىنىڭ بىرلەسكەن قۇرىلىسى اياسىندا ب ا ق ىنتىماقتاستىعىنىڭ جاڭا مۇمكىندىكتەرى، سىن- تەگەۋرىندەرى»، «باق حالىقتاردىڭ ءوزارا تۇسىنىستىگىن قالاي نىعايتادى»، «ءبىر بەلدەۋ، ءبىر جول» قالالارىنىڭ ۇلگىلەرى»، حالىقارالىق ارەنادا مادەني بىلىمدەردى تاراتۋ». فورۋمنىڭ ەكى سەسسياسىندا «كومسومولسكايا پراۆدا - كازاحستان» گازەتىنىڭ باس ديرەكتورى اسىلبەك بيسەنبايەۆ پەن «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى اسەل تولەگەنوۆا ءسوز سويلەدى.