+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

دەنساۋلىق: سۋدى از ءىشىپ جۇرگەن ادامداعى وزگەرىستەر

25 قازان 16:47
:ءبولىسۋ
دەنساۋلىق: سۋدى از ءىشىپ جۇرگەن ادامداعى وزگەرىستەر

نۇر- سۇلتان. قازاقپارات - سۋدىڭ پايداسى تۋرالى بىلەمىز. شامامىز كەلگەنشە، جەتكىلىكتى ىشۋگە دە تىرىسامىز. دەگەنمەن، ءبىز سۋدى جەتكىلىكسىز پايدالانىپ جۇرگەنىمىزدى قايدان بىلەمىز؟

1. اۋزىڭىزدىڭ قۇرعاعانىن سەزەسىز

سۋ جەتىسپەسە، اۋىزدىڭ ىشىندە بولىنەتىن سىلەكەي مولشەرى كەميدى. ياعني، اۋىز ءىشى قۇرعاپ، ادام جايسىزدىق سەزىنە باستايدى.

2. تەرىڭىز قۇرعاي باستايدى

تەرىگە ىلعالدانۋ اسا قاجەت. قۇرعاق تەرى - دەنەگە ىلعالدىڭ جەتىسپەۋىن بىلدىرەتىن باستى سەبەپتەردىڭ ءبىرى. سۋدىڭ جەتىسپەۋى اعزادان كەرەكسىز زاتتار مەن مايدىڭ شىعۋىن تەجەيدى.

3. قاتتى شولدەي باستايسىز

بۇل اۋىزدىڭ قۇرعاۋى دەگەن ءسوز ەمەس. بۇل قانشا سۋ ىشسەڭ دە، قايتا- قايتا شولدەي بەرەتىن كەزدەگىدەي اسەر. مىسالى، مۇنداي سەزىمدى ىشىمدىك ءىشىپ كورگەندەر بىلەدى. تۇندە ىشىمدىكتىڭ سالدارىنان بۇكىل دەنە بويىنداعى سۋ مولشەرى ازايىپ، ەرتەڭىندە ءشولىن قاندىرۋ ءۇشىن، وتە كوپ مولشەردە سۋ ىشۋىنە تۋرا كەلەدى.

4. كوزدىڭ قۇرعاۋى

سۋدىڭ جەتكىلىكسىزدىگىن بىلدىرەتىن بەلگىلەردىڭ ءبىرى - كوزدىڭ قۇرعاۋى. سۋ جەتپەگەن كەزدە جاس شىعارۋ وزەكتەرى كەۋىپ كەتەدى. بۇل كوزگە زيانىن تيگىزۋى مۇمكىن. اسىرەسە، كوزىنە لينزا تاعاتىندار ءۇشىن بۇل اسا قاۋىپتى.

5. بۋىنىڭىزدىڭ اۋىرعانىن سەزەسىز

ءبىزدىڭ بۋىندار مەن سىڭىرلەر 80 پايىزى سۋدان تۇرادى. بۇل ءبىزدىڭ قيمىل- قوزعالىسىمىزعا قاجەت.

6. بۇلشىق ەت ماسساسى ازايادى

ادامنىڭ بۇلشىق ەتى دە سۋدان تۇرادى. سوندىقتان اعزادا سۋ ازايعان سايىن، بۇلشىق ەت مولشەرى دە كەمي تۇسەدى.

7. كوپ اۋىرا باستايسىز

سۋ ۇنەمى اعزادان توكسيندەردى شىعارۋعا كومەكتەسەدى. ءسىزدىڭ ورگاندار ءبىرتۇتاس مەحانيزم رەتىندە جۇمىس ىستەيدى. سۋ جەتىسپەگەن اعزادا ورگاندار سۋدى باسقا جەردەن، مىسالى، قاننان، الا باستايدى. سونىڭ سالدارىنان كوپتەگەن پروبلەمالار تۋىندايدى.

8. جىلدام شارشايسىز جانە ۇيقىڭىز كەلە بەرەدى

دەنە سۋدى قاننان الا باستاعان كەزدە، بارلىق ورگانعا جەتكىزىلەتىن وتتەگىنىڭ مولشەرى ازايادى. ال وتتەگىنىڭ ازايۋى مىندەتتى تۇردە ۇيقىشىلدىق پەن شارشاڭقىلىققا اكەلىپ سوقتىرادى. بۇل دەگەنىمىز ءسىز كۇن سايىن تەز شارشاپ قالىپ وتىراسىز.

9. قارنىڭىز تەز اشادى

سۋ جەتىسپەيتىن اعزا قارىننىڭ اشقانى تۋرالى سيگنال جىبەرگىش كەلەدى. بۇل كەز كەلگەن ۋاقىتتا ورىن الۋى مۇمكىن. كۇندىز بولسىن، ءتۇننىڭ ورتاسىندا بولسىن، ويانساڭىز بولدى، اس بولمەگە بارعىڭىز كەلىپ تۇرادى. ءبىراق تاعام ول اعزانى جاي عانا جۇمىس ىستەتەدى. ال سۋ اعزانى تازارتىپ، ونىڭ باسقا ۇدەرىستەرگە ارالاسۋىنا ىقپال ەتەتىن «جانارماي» ءرولىن اتقارادى.

10. اس قورىتۋ جولدارىڭىز اۋىرادى

اۋىز قۋىسىنىڭ شىرىشتى قاباتىن ىلعالداندىرۋدىڭ ماڭىزى زور ەكەنىن ايتتىق. بۇل اس قورىتۋ جولدارىنا دا قاجەت. سۋ جەتىسپەگەن كەزدە، اسقازانداعى شىرىشتىڭ كولەمى مەن تىعىزدىعى تومەندەپ، اسقازان قىشقىلى بۇكىل ىشكى ورگاندارعا زيانىن تيگىزەدى. بۇل قىجىلعا نەمەسە اسقازان جۇمىسىنىڭ بۇزىلۋىنا اكەپ سوقتىرۋى مۇمكىن.

11. ەرتە قارتايۋ بەلگىلەرى پايدا بولادى

ءبىزدىڭ اعزا ۇستاپ تۇرا الاتىن سۋ مولشەرى جاس ۇلعايا كەلە ازايا تۇسەدى. ءبىز ەسەيگەن سايىن، سۋدىڭ مولشەرىن دە ارتتىرىپ وتىرۋ قاجەت. بەت تەرىسىنىڭ قۇرعاۋىنا بايلانىستى ءاجىم دە جىلدام ءتۇسىپ، ادامنىڭ اعزاسى دا قارتايا باستايدى، دەپ جازادى anabol.kz.



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات