+7 (701) 759 90 19 Лента
12 °С : نۇر-سۇلتان
18 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

الدار كوسەنىڭ اكەسىنەن باتا الۋى

24 قازان 16:25
:ءبولىسۋ
الدار كوسەنىڭ اكەسىنەن باتا الۋى

استانا. قازاقپارات - باياعىدا وتكەن زاماندا، حان جانىبەك ءتۇسىندا قوجىر دەگەن ءبىر كەدەي شال بولىپتى. ءۇش بالاسى بولىپتى.

كۇندەردەن كۇن وتەدى، شالعا كارىلىك جەتەدى. كاسىپ ەتۋدەن قالادى. اقىرىندا، شال بالالارىن جيناپ الىپ:

- جاسىم كەلدى، كارىلىك جەتتى. سەندەر بولساڭدار ەرجەتتىڭدەر. مال تاۋىپ، تاماق اسىرايتىن مەنەن ءال كەتتى. مال تابۋ، تاماق ىزدەۋ ەندى سەندەرگە جەتتى. اي، بالالار! كاسىپ ەتىڭدەر، مال تابىڭدار. مەنى اسىراڭدار. كانى، قايسىڭ قانداي كاسىپپەن مەنى اسىرايسىڭدار، ايتا بەرىڭدەر، - دەيدى.

سوندا ءارى- بەرى ويلانىپ تۇرىپ، بالالارى مىنانى ايتادى:

ۇلكەنى:

- دۇرىس ايتتىڭ، ەي، اتا!

ەگىندى سۇيەر كوڭىلىم.

مۇنىمدا جوق ەش قاتا،

ەگىنمەن ءوتسىن ءومىرىم.

ورتانشى:

- ەگىننەن باسقا تاعى دا:

كوڭىلىمدە قوي باقسام.

ماعان بەرگەن باعى دا -

مال دەگەندە زار قاقسام.

كەنجەسى:

- ەي، اتا، مەن الداسام،

بولسا دا، شىن ارباسام.

جۇرت ىستەيتىن كاسىپ كوپ،

الداۋدى مەن قالاسام.

شال بالالارىنىڭ بەرگەن جاۋاپتارىنا ىرزا بولادى.

- ولاي بولسا، اللا بەتتەرىڭنەن جارىلقاسىن، تۇڭعىشىم، سەن جەر كاسىبىن ىستە، ەگىن سال. ورتانشىم - قوي باق، مالشى بول، كەنجەم - سەنىڭ قالاعانىڭ الداۋ بولسا، باسقا كاسىپتى كوپتىڭ ءبارى ىستەيدى، بۇل ءبىر ەرەكشە كاسىپ ەكەن. سەنىڭ دە اللا الدىڭنان جارىلقاسىن. الدار بول، -دەيدى. قول جايىپ، باتاسىن بەرەدى.

سودان ۇلكەن بالاسى ەگىنشىلىككە تۇسەدى، ورتانشىسى مال باعۋعا كىرىسەدى، كەنجەسى الداۋ جولىنا تۇسەدى. الداۋشىنىڭ تۇراقتى جەرى بار ما؟ ەل كەزىپ، جەر شارلاپ، كەتە بەرەدى.

massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات