USD 436.29 EUR 492.83
RUB 5.92 CNY 68.48
جاڭالىقتار

تولە ءبي كەلىنىن قالاي تاڭداعان

20 قازان 17:40
:ءبولىسۋ
تولە ءبي كەلىنىن قالاي تاڭداعان

نۇر- سۇلتان. قازاقپارات - بۇكىل قازاققا توبە ءبي بولىپ بيلىك ايتقان تولە ءبي «ەردىڭ باقىتىن كەتىرەتىن دە - ايەل، ەرگە باقىت اپەرەتىن دە - ايەل» دەپ كەلىنىن ءوزى تاڭداۋعا بەكىنگەن ەكەن.

«بالاما ايەلدى ءوزىم تاڭداپ الىپ بەرەمىن. بايدىڭ بايلىعىنا قىزىقپايمىن، ءبيدىڭ بيلىگىنە قىزىقپايمىن، اسىل پىشاق قاپ تۇبىندە جاتپايدى دەگەن. كەلىنىم اقىلدى بولسا، ۇلىمنىڭ ەلگە داڭقى كەتەدى. ءبي تۇسكەندەي ءۇي بولۋ - ايەلدەن. ايەلى جاقسى بولماي ەر وڭبايدى. ەردىڭ باقىتىن كەتىرەتىن دە - ايەل، ەرگە باقىت اپەرەتىن دە - ايەل»، - دەپ كەلىندى ءوزى تاڭداۋعا بەكىنگەن ەكەن.

وسىنداي وي قۇشاعىندا جۇرگەن تولە ءبيدى ءبىر كۇنى تۇركىمەن ەلىنە بيلىك ايتۋعا شاقىرادى. اتتارى بولدىرىپ، شولدەپ-شولىركەپ كەلە جاتقان جولاۋشىلاردىڭ الدىنان ءبىر توپ اتتى قىز-كەلىنشەك كورىنەدى. ول توپتىڭ ىشىندە داناگۇل دەيتىن كەدەيدىڭ قىزى دا بار ەدى.

«ءاي، قىزدار، توقتاڭىزدار، اتتارىڭىزدىڭ باسىن تارتىڭىزدار. جوعارىدان ءبىر قاتار اتتىلار كەلە جاتىر، الدىنان كەسە-كولدەنەڭ وتپەيىك، اراسىندا ەر باستاعان باتىر بار شىعار، سول ەرگە اقىل ايتقان اقساقالى بار شىعار، باتاسىن الىپ، العىسىنا بولەنەيىك. اتتى كىسىلەر الدىمىزدان كەسىپ ءوتسىن. سونان سوڭ جۇرسەك تە اۋىلىمىزعا جەتەرمىز، - دەيدى داناگۇل. تولە ءبي مۇنى الىستان كورىپ، قىزداردى شاقىرتادى. داناگۇلدىڭ بۇيرىعىمەن قىزدار اتتان ءتۇسىپ، جاياۋ كەلىپ سالەم بەرەدى. داناگۇلدى سوزگە تارتىپ، دانالىعىن بايقاعان تولە ءبي كەيىن قۇدا ءتۇسىپ، وزىنە كەلىن ەتكەن ەكەن.

سول داناگۇل ءوز اۋىلىنا سىيلى، اقىلدى، دانا كەلىن رەتىندە ەل ەسىندە جاتتالىپ قالعان.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات