جاعىمسىز ويلاردان قالاي ارىلۋعا بولادى؟

نۇر-سۇلتان. قازاقپارات - ادام بولعاندىقتان ساناڭىزعا ءتۇرلى وي كەلەدى: بىردە جامان، بىردە جاقسى. تىرشىلىك يەسى رەتىندە ويلانباي جۇرە المايسىز.

ويسىز ءومىر ءسۇرۋ مۇكىن ەمەس. دەگەنمەن ويلاۋ جۇيەڭىزدىڭ ءبارى جاعىمدى بولىپ كەلە بەرمەيتىنى تاعى بار. ال جاعىمسىز ويلار تەك تىعىرىققا تىرەيدى ءارى شارشاتادى. سوندىقتان ءبىز سىزگە وسى قيىندىقتاردان شىعۋ تۋرالى كەڭەستەر ۇسىنىپ وتىرمىز.

ءمان بەرمەڭىز

ساناڭىزدا جاعىمسىز وي پايدا بولىسىمەن، ونى ەلەمەۋگە تىرىسىڭىز. ءتىپتى مۇلدە ونداي وي بولماعانداي سەزىنىڭىز. باسىڭىزعا كەلگەن ويعا قورىتىندى جاساۋعا دا، تالداۋعا دا، ساراپتاۋعا دا تالپىنباڭىز. ونىڭ ورنىنا باسقا جاعىمدى نارسە ويلاڭىز. ويلاعىڭىز كەلمەسە دە، ءوزىڭىزدى كۇشتەپ ويلاۋعا ماجبۇرلەڭىز. جاقسى نارسەنى كوپ ويلاۋعا تىرىسىڭىز.

ەتيكەت

بۇل ءبىز ايتىپ وتكەن ءبىرىنشى ەرەجەمەن سەلبەسە جۇمىس جاسايدى. ءمان بەرمەڭىز ءارى سىرتتاي باقىلاڭىز. اقىرى ساناڭىزدا ساۋلەلەنىپ ۇلگەرگەن جامان ءارى جاعىمسىز ويدى سىرتتاي باقىلاڭىز. ءبىراق ىسكە اسىرماڭىز. ويلانىڭىز. وزىڭىزگە «ماعان نە بولدى؟ « دەگەن سۇراقتى قويىپ كورىڭىز. ءسىز نەگە ول جامان ويدى ويلاۋعا تالپىندىڭىز. جاعىمسىز ويلار ءسىزدىڭ ميىڭىزدى باسقارعىسى كەلەدى. ال ءسىز وعان جول بەرمەڭىز. ول ءۇشىن ءسىز جاعىمسىز ويدىڭ ءوزىن باسقارا ءبىلىڭىز.

اسىرا سىلتەڭىز

ساناڭىزعا كەلىپ تىرەلگەن جامان ويدى ودان ءارى اسىرا سىلتەڭىز. بۇل جامان ويعا قارسى ارەكەت جاساۋ. ساناڭىزعا «سەن ونى جاساي المايسىڭ» دەگەن تاپسىرما كەلسە، ءسىز « ءيا، مەن جاساي المايمىن، مەن ءالسىزبىن» دەڭىز. ءبىراق ءىس جۇزىندە بارلىعىن كەرىسىنشە ىستەڭىز. وي مەن ءسوز ءىستىڭ كولەڭكەسى عانا. جاعىمسىز ويدىڭ اشۋىنا تيۋ ارقىلى ءسىز ونى جەڭە الاسىز. جوعارىدا ايتىپ وتكەنىمىزدەي ول ءسىزدى ەمەس، ءسىز ونى قانداي جولمەن بولسىن باسقارىڭىز.

قارسى كەلىڭىز

جاعىمسىز ويىڭىزعا قارسى اسىرا سىلتەپ بولعاننان كەيىن، وعان قارسى كەلىڭىز. كەيدە سانادا پايدا بولاتىن ويلارعا كەنەتتەن جاسالاتىن شابۋىل ونىڭ ءارى قاراي سانانى مەڭگەرۋىنە جول بەرمەيدى. بۇل ويىڭىزعا كەلگەن جاعىمسىز نارسەنىڭ ىرقىنا كونىپ كەلە جاتىپ، اياق استى قارسىلىق ءبىلدىرۋ. ءسىز اسىرا سىلتەۋ كەزىندە ونىڭ ىرقىنا كوندىڭىز. تەك ويمەن. ءبىراق ءىس جۇزىندە ءوز ارەكەتىڭىزدى جاسادىڭىز. ءبىراق ارەكەت جاساي وتىرىپ، ويدى دا سول باعىتقا اياق استىنان بۇرىپ جىبەرىپ، جاقسى دۇنيەگە باس قاتىرا قالساڭىز، ساناڭىزداعى جامان وي شاشىراپ كەتەدى. بۇل ەندىگى ويىڭىزدى باسقارا الاسىز دەگەن ءسوز.

اتالعان كەڭەستەردى پايدالانا وتىرىپ تاجىريبە جاساپ كورىڭىز. قولىڭىزدان كەلەدى. ويتكەنى كۇن سايىن ۇزدىكسىز جۇمىس جاساپ تۇرعان سانا ءقازىر دە جامان ويعا اپارۋى مۇمكىن. ءبىراق ءسىز كەڭەستى وقىعان بولساڭىز، وعان قارسى قالاي جۇمىس جاساۋ كەرەك ەكەنىن بىلەسىز.

massaget.kz