+7 (701) 759 90 19
2 °С : نۇر-سۇلتان
0 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

بالالىقتان سىر شەرتەر بەس كىتاپ

9 تامىز 13:09
:ءبولىسۋ
بالالىقتان سىر شەرتەر بەس كىتاپ

نۇر-سۇلتان. قازاقپارات - بوس ۋاقىتىڭىزدى قالاي وتكىزەسىز؟! ۆكونتاكتە، ينستاگرام سىندى الەۋمەتتىك جەلىلەردىڭ قىزىعى قالمادى ما؟!

ەندەشە، ءسىز بەن ءبىز بولىپ كىتاپ وقيىق. «اباي جولى» نەمەسە «كوشپەندىلەر» سىندى ءىرى شىعارمالارعا قادام باسپاي تۇرىپ، ءوزىمىزدىڭ جاسىمىزعا ساي كەلەتىن شىعارمالاردى تاڭداپ، ءتىزىمىن جاساپ الايىق.

1. بەردىبەك سوقپاقبايەۆ «ولگەندەر قايتىپ كەلمەيدى»

2. سايىن مۇراتبەكوۆ «جابايى الما»

3. بەردىبەك سوقپاقبايەۆ «بالالىق شاققا ساياحات»

4.بەردىبەك سوقپاقبايەۆ «ون التى جاسار چەمپيون»

5. جيۋل ۆەرن «سۋ استىنداعى 80000 كم ساپار»

اتالعان شىعارمالاردىڭ بارلىعى دەرلىك ورتا بۋىنداعى وقۋشىلاردىڭ ومىرىنەن سىر شەرتەدى. وقي وتىرىپ، ءوز زامانىمىزبەن سالىستىرۋعا بولادى. وسى شىعارمالار جونىندە قىسقاشا مازمۇن بەرىپ كەتەيىن.

بەردىبەك سوقپاقبايەۆ شىعارمالارىنىڭ ءتىلى جەڭىل. وقيعا جەلىسى دە ويدان شىعارىلماعان، ومىردەن الىنعان. اۆتور وقىرماندى كەيىپكەرلەرىمەن باۋراپ الادى. كوركەم شىعارمانى وقىپ بىتىرگەننەن كەيىن كەيىپكەرمەن قوشتاسقىڭ كەلمەي قالا بەرەدى. نەگە؟! سەبەبى، بولمىس، مىنەز، ءىس- ارەكەت بارىنشا شىنايى. مەكتەپ باعدارلاماسىنان «مەنىڭ اتىم - قوجا» شىعارماسىن وقىدىڭىزدار عوي. قانشالىقتى قىزىقتى؟! ال، سىزدەرگە ءدال وسى اۆتوردىڭ وزگە دە شىعارمالارىن ۇسىنىپ وتىرمىز.

«ولگەندەر قايتىپ كەلمەيدى». شىعارمادا ەركىن مەن عاليانىڭ نازىك سەزىمدەرى بالا ماحابباتىڭ كىرشىكسىز شىنايىلىعىن اڭعارتادى. سوعىستىڭ سۇراپىل كەزەڭى مەن سوعىستان كەيىنگى كەزەڭدى قامتيتىن بۇل شىعارمانىڭ شىتىرمان تۇستارى وتە كوپ. تاقىرىبى نە ءۇشىن «ولگەندەر قايتىپ كەلمەيدى» دەپ اتالادى؟! ونى سىزدەردىڭ وقىرماندىق كوزقاراستارىڭىزدىڭ ەنشىسىنە قالدىرايىق.

بەردىبەك سوقپاقبايەۆتىڭ «بالالىق شاققا ساياحات» شىعارماسى دا وقۋعا ۇمتىلعان اۋىل بالالارىنىڭ ومىرىنەن سىر شەرتەدى. اۆتوردىڭ بۇل شىعارماسى ءوز ءومىرىنىڭ كورىنىستەرىنەن تۇراتىن بىردەن- ءبىر تۋىندى. «ون التى جاسار چەمپيون» تۋىندىسىن وقي وتىرىپ، سپورتقا دەگەن قىزىعۋشىلىعىمىز ويانارى ءسوزسىز. ءالجۋاز مۇراتتىڭ جەڭىسكە دەگەن قۇلشىنىسىنىڭ ارقاسىندا بيىكتەن كورىنۋى قاي- قايسىمىزدى بولسا دا بەيجاي قالدىرماي، جەتىستىككە جەتەلەرى انىق. بوكستىڭ كۇردەلى سپورت ەكەنىن دە وسى شىعارما ارقىلى ايقىن اڭعارۋعا بولادى. ەندەشە، ءبىر اۆتوردىڭ ءۇش شىعارماسىن وقي وتىرىپ، وي بولىسەيىك. ءوز ءومىرىمىزدىڭ قىزىق تا قيىن تۇستارىمەن سالىستىرايىق. ءبىز قاندايمىز؟! ولار قانداي بولعان؟ جاۋاپ ىزدەيىك.

سايىن مۇراتبەكوۆتىڭ دە «قىلاۋ» اڭگىمەسىمەن مەكتەپ باعدارلاماسىنان تانىسپىز. اۆتوردى ودان ءارى تانىعىڭىز كەلسە، «جابايى الما» شىعارماسىن مىندەتتى تۇردە وقىڭىز. قاناتتىڭ باسىنان وتكەن قىزىق كۇندەرگە كۋاگەر بولىڭىز. اجىبەكتىڭ ادەپسىز قىلىقتارىنان ساباق الىڭىز. ءدال وسى سەكىلدى كەيىپكەرلەر ءبىزدىڭ ومىرىمىزدەن دە تابىلاتىنى ءسوزسىز.

سوڭعىسى، جيۋل ۆەرننىڭ «سۋ استىنداعى 80000 ك م ساپار» شىعارماسى. وقيعا جەلىسى شىم- شىتىرىق. گەوگرافياعا قىزىعۋشىلىعىڭىز بولسا، مىندەتتى تۇردە وقىڭىز. جۇمباق نارسەنى بىلگەنشە ىنتىعۋ ادامزاتتىڭ ۇلەسىنە تيگەن ەرەكشە قاسيەت. ەندەشە، ىسكە ءسات!

massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات