«ۇيلەنۋ وڭاي، ءۇي بولۋ قيىن»، «جۇمىلا كوتەرگەن جۇك جەڭىل» سەكىلدى وي ورامدارىنىڭ يەسى كىم

None
نۇر-سۇلتان. قازاقپارات - بۇل كۇندە حالىق اراسىندا كەڭ قولدانىلىپ جۇرگەن اتالى سوزدەردىڭ اۆتورلارىن كوبىنە بىلە بەرمەيمىز. ەستىسەك تە، ەسىمىزدە قالماعان بولار.

اسىرەسە «ۇيلەنۋ وڭاي، ءۇي بولۋ قيىن»، «جۇمىلا كوتەرگەن جۇك جەڭىل» دەگەن كۇندەلىكتى اۋىزەكى قولدانىسقا ەنىپ كەتكەن وي ورامدارىنىڭ يەسى اقىن مۇزافار الىمبايەۆ ەكەنىن كوبىمىز بىلمەۋىمىز دە مۇمكىن.

قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى، پۋبليتسيست، ادەبيەت زەرتتەۋشىسى، اۋدارماشى، قازاق ادەبيەتىندە سوعىس سۇراپىلىن باستان كەشىپ كەلگەن قالامگەردىڭ وي ورامدارى قاشان دا ءمانىن جويعان ەمەس. بۇگىندە حالىق جادىنان ورىن الىپ، كۇندەلىكتى قولدانىسقا ەنىپ كەتتى. ماقال- ماتەل رەتىندە ايتىلىپ جۇرگەندەرى جەتەرلىك. ولاي بولسا اقىننىڭ وسىنداي ءماندى وي ورامدارىن نازارلارىڭىزعا ۇسىنعاندى ءجون ساناپ وتىرمىز.

***

ون كۇندىك ءىستى ءبىر كۇنگە سىيعىزۋ - زورلىق،

ءبىر كۇندىك ءىستى ون كۇنگە سوزۋ - قورلىق

***

مىقتىنىڭ مۇڭى دا - مىلقاۋ.

***

شاكىرتكە ۇستاز بولۋ - ىرىلىك، ۇستازعا ۇستاز بولۋ - ۇلىلىق.

***

ەسكەرتكىش توزسا دا، ەستەلىك توزبايدى.

***

ۇيلەنۋ وڭاي، ءۇي بولۋ قيىن.

***

ماقال - ءسوزدىڭ اتاسى.

***

تۇيىردەي بولسا دا، ءتۇيىندى ويىڭ بولسىن.

***

ماسقارادان اجال دا اقتاپ الا المايدى.

***

جۇزىكتىڭ وزىنەن دە - كوزى قىمبات

اقىننىڭ سىيلىعىنان - ءسوزى قىمبات.

***

باس يىلمەسە - تىزە بۇگىلمەيدى.

***

توزعان سوزدە - توزاڭ كوپ.

***

ۇلتىن بىلگىڭ كەلسە - عۇرپىن ءبىل.

***

ەردەن ەردىڭ ارتىقتىعى - بىلىگى،

ەلدەن ەلدىڭ ارتىقتىعى - بىرلىگى.

***

كىشىلىككە جاراعان - كىسىلىككە دە جارار.

***

شىنشىل قالام شىمىر جازادى.

***

ىنتىماق ەلدىككە جەتكىزەر،

ەلدىك ەرلىككە جەتكىزەر.

***

ازدىڭ ازانشىسى بولعانشا، كوپتىڭ قازانشىسى بول.

***

جۇمىلا كوتەرگەن جۇك جەڭىل.

***

ۇستا ءسوز - ۇستاز!

***

ۇستاز ۇقتىرا الماعاندى ءومىر ۇقتىرادى.

**

وشىرگىش وزگەنى دە وشىرەدى، ءوزى دە وشەدى.

***

وتىرىكتىڭ ارباسى شىندىقتىڭ كوپىرىنەن وتە المايدى.

***

ماقال- ماتەل مارجان ءسوز،

قوسا كورمە ارزان ءسوز.

***

ەبى جوق دارىگەردىڭ - ەمى جوق.

***

جاقسىنىڭ ءبارى - جان تۋىس،

جاماننىڭ جانى - تار قۋىس.

***

جان قيماق بار - جار قيماق جوق.

***

تالانت - تابيعاتتان، تالاپ - وزىڭنەن.

***

«وسىنى مەن نەگە جازبادىم ەكەن» دەلىنگەن جىر ۇزاق جاسايدى.

***

ءار تولەگەننىڭ - ءوز جىبەگى بار.

massaget.kz


سوڭعى جاڭالىقتار