+7 (701) 759 90 19
USD 426.01 EUR 493.75
RUB 6.05 CNY 66.62
جاڭالىقتار

ادامدى تانۋدىڭ ءۇش بەلگىسى

14 قازان 16:02
:ءبولىسۋ

نۇر- سۇلتان. قازاقپارات - وماردىڭ (ر. ا. ) قاسىندا ءبىر كىسى الدەبىر داۋعا قاتىستى كۋاگەر بولعان ەدى. ومار وعان:

- مەن سەنى تانىمايمىن، سەنى تانيتىن بىرەۋ كەلسىن، - دەدى.

جانىندا تۇرعانداردىڭ بىرەۋى:

- مەن ونى تانيمىن، - دەدى.

ومار ودان:

- ءيا، تانىساڭ ايتشى، بۇل قانداي ادام؟ - دەپ سۇرادى. ول كىسى:

- ءجونى ءتۇزۋ، ءادىل كىسى، - دەپ جاۋاپ بەردى.

ومار (ر. ا. ) قايتا سۇرادى:

- كۇندىز-ءتۇنى نە ىستەپ، نە قويعانىن جاقسى بىلەتىندەي جاقىن كورشىڭ بە ەدى؟

- جوق، - دەپ جاۋاپ بەردى الگى كىسى.

ومار (ر. ا. ):

- كىسىنىڭ قانشالىقتى قۇدايدان قورقاتىن تاقۋا ەكەندىگى ونىڭ ەل اراسىنداعى ءىس-ارەكەتى مەن قىلىقتارىنان بەلگىلى. بۇل كىسى ساۋدا- ساتتىقپەن اينالىسۋشى ما ەدى؟ - دەپ قايتا سۇرادى.

الگى كىسى بۇعان دا:

- جوق، - دەپ جاۋاپ بەردى.

بۇل جولى ومار:

- بۇل كىسىنىڭ مىنەز- قۇلقىنىڭ جاقسى- جامان ەكەندىگىنە كوز جەتكىزەتىندەي بىرگە ساپارعا شىعىپ كورىپ پە ەدىڭ؟ - دەپ تاعى سۇرادى.

الگى كىسى بۇل سۇراققا دا «جوق» دەپ جاۋاپ بەرگەندە ومار:

- وندا سەن بۇل كىسىنى تانىمايدى ەكەنسىڭ، - دەدى دە كۋاگەرلىك ايتقان ادامعا قاراپ: - بار دا، سەنى تانيتىن باسقا بىرەۋدى ەرتىپ كەل، - دەدى.

دەمەك، ءبىر ادامدى جاقىننان تانۋ ءۇشىن 3 شارتقا اسا ءمان بەرگەن ءجون. نە قويان- قولتىق ارالاساتىن كورشى بولىپ تۇراسىڭ، نە ساۋدالاسىپ كورەسىڭ، نە بىرگە ساپارعا شىعاسىڭ. ال، وسى ءۇش شارت جۇزەگە اسپاعان بولسا - ول ادامدى تانيمىن دەۋ اعاتتىق.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات