استانادا پاۆلودار جانە جامبىل وبلىستارى تاۋار وندىرۋشىلەرىنىڭ جارمەڭكەلەرى ءوتىپ جاتىر

استانا. قازاقپارات - سەنبى جانە جەكسەنبى استانا تۇرعىندارى اۋىل شارۋاشىلىق جارمەڭكەلەرىندە تومەندەتىلگەن باعامەن ازىق- تۇلىك ونىمدەرىن ساتىپ الا الادى.

پاۆلودار وبلىسىنىڭ جارمەڭكەسى «حان شاتىر» س و و اۋماعىندا، جامبىل وبلىسىنىڭ جارمەڭكەسى قالا اكىمدىگىنىڭ الدىنداعى الاڭدا ءوتىپ جاتىر. جارمەڭكەگە استانا اكىمى اسەت يسەكەشەۆ تە كەلدى.

پاۆلودار وبلىسىنىڭ بارلىق اۋداندارىنان 100 دەن اسا كاسىپكەر 90 توننا ەت جانە ەت ونىمدەرى، 300 توننا كارتوپ، 140 توننا كوكونىس جانە ت. ب. اكەلدى. بۇدان باسقا، ۇلتتىق تاعامدار، ەرتىس ءوڭىرىنىڭ حالىق شىعارماشىلىعى مەن قولونەر بۇيىمدارى ۇسىنىلادى. ەلوردالىقتار پاۆلودار وبلىستىق فيلارمونياسى شىعارماشىلىق ۇجىمدارىنىڭ كونتسەرتتىك باعدارلاماسىن تاماشالايدى.

 - قازىز پاۆلودار جانە جامبىل وبلىستارىنىڭ جارمەڭكەسى ءوتىپ جاتىر، جارمەڭكەلەردە ازىق- تۇلىك ونىمدەرى مولىنان ۇسىنىلعان، وسى ەكى كۇندە 40 تونناعا جۋىق ءونىم وتكىزىلەدى. تاڭعى ساعات 8 دەن باستاپ ادامدار كەلىپ جاتىر، ەت ونىمدەرىن، كوكونىستەر الىپ جاتىر. باعالار% 15-20 تومەن، كەيبىر تاۋارلار استاناداعى باعادان %35 دەيىن ارزان، - دەدى استانا اكىمىنىڭ ورىنباسارى ماليكا بەكتۇروۆا.

جامبىل وبلىسىنان جارمەڭكەگە جالپى سوماسى 300 ميلليون تەڭگەنى قۇرايتىن 315 توننا ءونىم اكەلىندى. ەلوردا تۇرعىندارى مەن قوناقتارىنا ساپالى، ەكولوگيالىق تازا جانە پايدالى ءونىمنىڭ 30 ءتۇرى ۇسىنىلادى.

«قازاقستاندا جاسالعان» اكسيا اياسىندا اۋىلشارۋاشىلىق جانە وندىرىستىك كورمە ۇيىمداستىرىلادى.

ايتا كەتەيىك، 23-25 -قىركۇيەكتە ەلوردادا جامبىل وبلىسىنىڭ ق ر تاۋەلسىزدىگىنىڭ 25  جىلدىعىنا ارنالعان مادەنيەت كۇندەرى ءوتىپ جاتىر. بۇل كۇندەرى استانالىقتار ءوڭىردىڭ تاريحىمەن، مادەنيەتىمەن جانە نەگىزگى جەتىستىكتەرىمەن تانىسا الادى.

جۇما كۇنى م. گوركي اتىنداعى مەملەكەتتىك اكادەميالىق ورىس دراما تەاترىندا س. مارشاكتىڭ «كوشكين دوم» اتتى بالالارعا ارنالعان ەرتەگى مەن ش. ايتماتوۆتىڭ پوۆەسىنىڭ جەلىسى بويىنشا دايىندالعان «پەگيي پيەس، بەگۋشي كراەم موريا» قويىلىمى كورسەتىلدى.

24 -قىركۇيەكتە ساعات 18.00 ف. بۋلياكوۆتىڭ «ۆىحوديلي بابكي زامۋج» اتتى كومەدياسى ساحنالانادى.

سونىمەن قاتار، ساعات 16.00 بەيبىتشىلىك جانە كەلىسىم سارايىندا وبلىس ونەرپازدارىنىڭ «ۇلى دالا ۇلىسىم» اتتى كونسەرتتىك باعدارلاماسى كوپشىلىك نازارىنا ۇسىنىلادى.

24 -قىركۇيەكتە ساعات 18.00 «جاستار» تەاترىندا وبلىستىق قازاق دراما تەاترىنىڭ م. اۋەزوۆتىڭ پوۆەسىنىڭ جەلىسى بويىنشا ن. ورازاليننىڭ «قيلى زامان» تاريحي دراماسى، ال 25 -قىركۇيەكتە ساعات 16:00 «ەڭلىك- كەبەك» تراگەدياسى قويىلادى.

 سونداي- اق، ساعات 10.00-18.00 ارالىعىندا ق ر ۇلتتىق مۋزەيىندە اۋليە اتا جەرىنىڭ ارتەفاكتىلەرىن، قولونەرشىلەر مەن كوركەمسۋرەت تۋىندىلارى كوپشىلىك نازارىنا ۇسىنىلادى، دەپ حابارلايدى astana.kz.