الماتىدا «جىبەك جولىنداعى اڭگىمەلەر» جوباسى باستالدى
وسى وقيعاعا ارنالعان بريفينگكە قازاقستاننىڭ بەلگىلى تۇلعالارى، حالىقارالىق ساراپشىلار، رەسەي، قىرعىزستان، وزبەكستان، تاجىكستاننان كەلگەن جەتەكشى عالىمدار، ق ح ا مەن ەتنومادەني بىرلەستىكتەر مۇشەلەرى قاتىستى.
«جوبا ناتيجەسى بويىنشا ءبىز كوپتەگەن قىزىقتى كىتاپتار شىعارۋدى جوسپارلاپ وتىرمىز. بۇل «جىبەك جولىنداعى اڭگىمەلەر» سەرپىندى دامىپ كەلە جاتقانىن كورسەتەدى. مۇرات اۋەزوۆتىڭ يدەيالىق شابىتىنىڭ ارقاسىندا جوبا جىل ساناپ جاڭا مازمۇنمەن تولىعۋدا» ، - دەپ اتاپ ءوتتى ق ر پرەزيدەنتىنىڭ جانىنداعى «قوعامدىق كەلىسىم» ديرەكتورى ناتاليا كالاشنيكوۆا.
ەرتەڭ، 24 - قىركۇيەكتە قاتىسۋشىلار تالدىقورعانعا كەلەدى. وندا «ورتالىق ازيا: ءوڭىر حالىقتارىنىڭ نيەتتەستىگى مەن كەلىسىمى» اتتى جوبانىڭ پلەنارلىق وتىرىسى وتەدى.
«جىبەك جولىنداعى اڭگىمەلەر» 2007 -جىلدان باستاپ جىل سايىن ورتالىق ازيا ءوڭىرى ەلدەرىنىڭ قاتىسۋىمەن وتكىزىلىپ تۇرادى.
جوبا ماقساتى - ورتالىق ازيا وڭىرلەرىنىڭ ەلدەرى مەن حالىقتارى اراسىنداعى جان- جاقتى بايلانىستاردى نىعايتۋعا، مادەنيەتارالىق ديالوگتى دامىتۋ كونتەكستىندە جالپى مادەني جانە جالپى تاريحي قۇندىلىقتاردى ساقتاۋعا ىقپال ەتۋ.
«جىبەك جولىنداعى اڭگىمەلەر» شاراسىن قازاقستاندا عانا ەمەس، ورتالىق ازيانىڭ باسقا دا ەلدەرىندە وتكىزۋ ارمانىمىز اقىرىنداپ جۇزەگە اسا باستادى. تاياۋ كۇندەرى وش قالاسىندا زياتكەرلەر فورۋمى ءوتتى، وندا جىبەك جولى ماسەلەلەرى كوتەرىلدى» ، - دەدى مادەنيەتتانۋشى، قوعام قايراتكەرى مۇرات اۋەزوۆ.
بريفينگ اياقتالعاننان كەيىن جوبا قاتىسۋشىلارى الماتى وبلىسى كەربۇلاق اۋدانىنا جول تارتتى. ودان ءارى شوقان ءۋاليحانوۆ ەسكەرتكىشىنە گۇل شوقتارىن قويۋ، ۇلى جىبەك جولى مارشرۋتىنىڭ باعىتىمەن تانىسىپ، شىڭعىسحان توبەسىنە بارۋ جوسپارلانىپ وتىر.