الەمدەگى ەڭ ۇزدىك ۋنيۆەرسيتەت قايسى؟
سوڭعى 13 جىلدا ءبىرىنشى رەت امەريكالىق جوعارى وقۋ ورنى ۇزدىكتەر قاتارىندا توپ جارمادى. اعىلشىن ءتىلى الەمىنە وكسفورد ۋنيۆەرسيتەتى 1096-جىلى ەسىگىن اشقان. وسى جىلى وكسفورد سوڭعى بەس جىلدان بەرى ءبىرىنشى ورىندى ەشكىمگە بەرمەي كەلە جاتقان كاليفورنيا تەحنولوگيا ينستيتۋتىن ەكىنشى ورىنعا ىسىردى.
ۇزدىك ەكى ۋنيۆەرسيتەتتىڭ ورىن اۋىستىرعانى بولماسا، Times Higher Education-نىڭ قالعان ناتيجەلەرى وزگەرىسسىز قالعان. ءۇشىنشى ورىندا كاليفورنيالىق ستەنفورد، ءتورتىنشى ورىندا اعىلشىننىڭ كەمبريدج ۋنيۆەرسيتەتى، ودان كەيىن ماسساچۋسەتس تەحنولوگيالىق ينستيتۋتى، گارۆارد، پرينستون ۋنيۆەرسيتەتى ۇزدىكتەر قاتارىنا ەنگەن. العاشقى وندىققا امەريكانىڭ 6 جوعارى وقۋ ورنى كىرگەن.
رەيتينگتە ەڭ الدىمەن وقۋ ورىندارىنىڭ عىلىمي جۇمىستارى نەگىزگە الىنادى.
«ءبىزدىڭ تىزىمگە كىرگەن ۋنيۆەرسيتەت پروفەسسورلارىنىڭ سوزدەرىنە ميلليونداعان سىلتەمە جاسالعان»، - دەپ مالىمدەدى Times Higher Education وكىلى.
تەك عانا ءبىر رەسەيلىك جوعارى وقۋ ورنى م گ ۋ ەكى جۇزدىكتىڭ ىشىنە كىرىپ، 188-ورىندا تۇر. وتكەن جىلى ەكى جۇزدىكتىڭ ىشىنە رەسەيدىڭ ءتورت وقۋ ورنى كىرگەن ەدى. بۇل جولى قالعان ۇشەۋى تومەنگى ساتىعا ءتۇسىپ كەتكەن.