+7 (701) 759 90 19 Лента
14 °С : نۇر-سۇلتان
15 °С : الماتى
USD 385.16 EUR 425.95
RUB 6.01 CNY 54.51
جاڭالىقتار

بالالارعا ارنالىپ «كوكسەرەك» مۋلتفيلىمى جارىققا شىقتى

21 قىركۇيەك 16:12
:ءبولىسۋ
بالالارعا ارنالىپ «كوكسەرەك» مۋلتفيلىمى جارىققا شىقتى

استانا. قازاقپارات - بارلىعىمىزدىڭ بالالىق شاعىمىزداعى سۇيىكتى كينومىز «كوكسەرەك» فيلمى بولعانى جاسىرىن ەمەس. ودان بۇرىن قازاقتىڭ دارا، داڭقتى جازۋشىسى مۇحتار اۋەزوۆتىڭ قالامىنان تۋعان بىرەگەي تۋىندىنىڭ دا تالاي جاس وقىرماندى باۋراپ العانى ءسوزسىز.

ەندى مىنە، ءوز وقىرمانى مەن كورەرمەنىنە سۇيكىمى ارتقان تۋىندىنىڭ مۋلتفيلمدىك نۇسقاسى جارىققا شىقتى، دەپ حابارلايدى BAQ.kz ءتىلشىسى.

"KADAM" ستۋدياسى تۇسىرگەن 15 مينۋتتىق مۋلتفيلم كورەرمەننىڭ كوزايىمىنا اينالار بىرەگەي ەڭبەك ەكەنىن بايقاۋعا بولادى. وسى بالالار فيلمىنىڭ ترەيلەرىن جاريالاعان سۇلتان سايران ۇلىنىڭ جازۋىنا قاراعاندا فيلمدى جاساپ شىققاندار ءالى ستۋدەنت جاستار ەكەن.

«بايقوڭىر» اتتى جاس كينەماتوگرافيستەردىڭ قىسقا مەتراجدى فيلمدەرى كينوفەستيۆالىنە «كوكسەرەكتى» الىپ كەلدىك، ەرتەڭ «كوكتوبەدە» كورسەتەدى، سىزگە بيلەتىمىز بار، كەلىڭىز» دەپ كوڭىلىمدى كوككە ءبىر كوتەرىپ تاستادى. قۋانا- قۋانا باردىم.

مۋلتيپليكاتسيالىق فيلمدەردىڭ شىمىلدىعى وسى «كوكسەرەكپەن» ءتۇرىلدى. ءسوز جوق، مۋلتفيلم كەرەمەت شىققان. جىگىتتەردىڭ
«Warner bros» ، «Walt Disney Pictures» ، «Pixar» سەكىلدى ستۋديالاردىڭ ءىزىن باسىپ كەلە جاتقان جاس بۋىندار ەكەنىنە كوزىم جەتتى. وتە تالانتتى، شەبەر، ونەرلى. بۇل جىگىتتەر ءالى ۋنيۆەرسيتەت ستۋدەنتتەرى. ءبىراق شىعارمالارى قانشاما جىلدىق تاجىريبەسى بار شەبەرلەردەن اسىپ تۇسپەسە، كەم تۇسپەيدى» - دەيدى سۇلتان سايران ۇلى.

سۇلتان جۇمابەك ۇلى، مەيىرجان ساندىباي جانە ادىلبەك بايان ەسىمدى جىگىتتەردىڭ قولىنان شىققان تۋىندىعا 21600 كارتينا سىزىلىپتى. 2D فورماتىمەن جاسالعان كىشكەنتاي «كوكسەرەك» بالالار ءۇشىن تاپتىرمايتىن مۋلتيك بولارى ءسوزسىز.

«بۇگىندە مۇحيتتىڭ ار جاعىنداعى امەريكا مەن باتىس بالالارىمىزدى وزدەرىنىڭ ارسىز، ءمانسىز مۋلتفيلمدەرى ارقىلى ۋلاۋدا. ال ءبىز وعان قارسى يممۋنيتەتكە ءالى اقشا اياۋدامىز. كورسەتەتىنىمىز ەڭبەكسىز جۇرتتى الداپ جۇرگەن الاياق «الداركوسە» . ودان قالسا، مەنتاليتەتىمىزگە بەس قايناسا سورپاسى قوسىلمايتىن شەتەلدىك ونىمدەر. بۇلاردىڭ قاسىندا «كوكسەرەك» الدەقايدا ارتىق» - دەيدى سۇلتان سايران ۇلى.

راسىمەن ءبىزدىڭ دۇنيەتانىمىمىزعا، ۇلتتىق بولمىسىمىزعا مۇلدە كەرەعار باتىستىق اتىس- شابىس، قىرىپ- جويۋعا قۇرىلعان، بالانى تەك قاتىگەزدىككە تاربيەلەيتىن مۋلتفيلمدەردەن گورى، تابيعاتىمىزعا جاقىن، مەنتاليتەتىمىزگە ۇيلەسەتىن دۇنيەلەردى كورسەتۋ ارقىلى بالالارىمىزدى جاقسىلىققا تاربيەلەۋگە نە كەدەرگى؟!

مۋلتفيلمنىڭ سوڭى دا وتە ادەمى اياقتالادى. ءومىر بويى ادامدار اراسىندا تىرلىك كەشكەن كوكسەرەك: «ەندى ءتۇسىندىم... سوناۋ تۇننەن بەرى مەنى ەلىرتىپ شاقىرىپ جۇرگەن عاجايىپ ءۇن - كىرشىكسىز تازا تابيعاتىمنىڭ، قايتپاس قايسار ايباتىمنىڭ، ەشنارسەگە تەڭ كەلمەس ەركىندىگىمنىڭ ءۇنى» - دەيدى.

بۇدان ۇلتتىق بولمىستى، رۋحتى، نامىستى، تيعاتپەن بىتە قايناسقان قازاقى ەركىندىكتى بايقاۋعا بولادى.


باستى سوزدەر: مادةنيةت, قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات