ءتىل تۋرالى قىزىقتى فاكتىلەر

نۇر- سۇلتان. قازاقپارات - «ءتىلى ولگەن ەل - ءتىرى ولگەن ەل». حالىقتىڭ ۇلتتىق سيپاتى تىلىنەن كورىنىس تابادى. ءوز ءتىلىمىزدى قۇرمەتتەيىك، وزگە ءتىلدىڭ ءبارىن بىلمەسەك تە، ولار تۋرالى قىزىقتى دەرەكتەردى بىلە جۇرەيىك.

الەمدە 6500 گە جۋىق ءتىل بار. ونىڭ ىشىندە 2000 تىلگە قۇرىپ كەتۋ قاۋپى ءتونىپ تۇر.

«انا» («ماما») ءسوزى الەمنىڭ كوپتەگەن تىلىندە «م» ارپىنەن باستالادى.

الەمدە ءبىر ۇعىمعا كوپ ماعىنا جيعان ەڭ سىيىمدى ءسوز بار. ول يسپان ءتىلىنىڭ ديالەكتىسىنە جاتاتىن «ماميحلاپيناتانا» ءسوزى. بۇل جالعىز ءسوز «بىرەۋى ەكى جاققا دا ىڭعايلى بولاتىن ارەكەتتى ىستەۋگە كەلىسەدى دەگەن ۇمىتپەن ءبىر- بىرىنە قاراۋ، ءبىراق ورىنداعىسى كەلمەۋ» دەگەن ماعىنا بەرەدى.

اعىلشىن تىلىندەگى ەڭ ەسكى ءسوز - «town».

پاپۋا- جاڭا گۆينەيا تۇرعىندارى 700 گە جۋىق تىلدە سويلەيدى. بۇل شامامەن الەم تىلدەرىنىڭ 15 پايىزىن قۇرايدى. ال اۋىلداعى ادامدارمەن ارالاسۋ ءۇشىن تاعى كوپتەگەن ديالەكتىلەر قولدانىلادى.

سولتۇستىك افريكاداعى بەربەرلەر ءتىلىنىڭ جازباشا نۇسقاسى جوق.

«ەرميتاج» ءسوزى فرانتسۋز تىلىنەن اۋدارعاندا «جالعىزدىق ورنى» دەگەن ماعىنا بەرەدى.

باسقا ەلدەرگە قاراعاندا ازيا مەن افريكادا ءارتۇرلى ءتىل كوپ.

سۋاحيلي - اراب ءتىلى، پورتۋگال ءتىلى، افريكا ءتىلىنىڭ بىرىگۋىنەن تۋعان ءتىل.

لاتىننىڭ «W» ءارپى الفاۆيتىندە جوق.

قىتاي يەروگليفىندە «جاعىمسىزدىق»، «قيىندىق» سوزدەرى ءبىر شاڭىراق استىنداعى قوس ايەل بەينەسىندە سالىنادى.

ال «سەرگەكتىك» جانە «شاي» سوزدەرى بىردەي بەينەلەنەدى.

حالىقارالىق ەسپەرانتو ءتىلىن 1887- جىلى ۆارشاۆالىق دارىگەر ل. زامەنگوف جاساعان.

گاۆاي الىپبيىندە تەك 12 ءارىپ بار.

ءبىر كەزدەرى امپەرسەند (&) بەلگىسى اعىلشىن ءتىلىنىڭ الفاۆيتىندە ءارىپ رەتىندە تانىلعان.

ادامدار كورىسكەندە قال- جاعداي سۇراساتىنى سەكىلدى، مالايزيادا كوشەدە تانىسىن كورگەندە «قايدا بارا جاتىرسىڭ؟» دەپ ايتادى. بۇل سۇراق ەمەس، وعان كەز كەلگەن ادام «جاي، سەرۋەندەپ ءجۇرمىن» دەيدى.

ەڭ كونە الىپبيلەردەن وزگەرمەي ساقتالىپ كەلە جاتقان ءارىپ - و.

massaget.kz