پاتشا ۇعىمىنا لايىقتى اڭ – جولبارىس - فوتو

None
None
نۇر- سۇلتان. قازاقپارات - ءوزى سوقتىققان ادامنان قورعانۋ ءۇشىن عانا ايبات شەگەتىن، جاي جۇرگەن كىسىگە قاۋىپ توندىرمەيتىن جولبارىس جاراتىلىسىن ادامدار ومىرىندە كورمەسە دە جاقسى كورەدى. ولار تۋرالى قىزىقتى دەرەكتەرگە قانىعا تۇسەيىك.

جولبارىس ءسوزى گرەكتىڭ «tigri» دەگەن، ءتۇبىرى «taig» سوزىنەن تۋعان، وتكىر، مىقتى، جىلدام دەگەن ماعىنا بەرەدى.

ليگر

ليگر دەگەن نە ەكەنىن بىلەسىز بە؟ ول جولبارىس پەن ارىستاندى شاعىلىستىرىپ الىنعان جانۋار. اتاۋى دا «Tiger» («تيگر» ) جانە «Lion» («ليەۆ» ) سوزدەرىنىڭ قوسىندىسىنان شىققان.

جولبارىستار قاراڭعىدا ادامنان التى ەسە انىق كورەدى.

ولار باسقا جانۋارلارعا ىرىلدامايدى. ءبىراق ىرىلداۋ ارقىلى وزگە جولبارىستارمەن الىستان ارالاسا الادى. ال باسقا اڭدارعا شابۋىل جاسار كەزدە ىسىلداپ، ايبات شەگەدى.

جولبارىستىڭ ماڭدايىنداعى جولاق سىزىعى قىتايلار يەروگليفىندەگى «پاتشا» ماعىناسىنا سايكەس كەلەدى.

بەنگاليالىق جولبارىستىڭ ازۋ ءتىسى 10 سانتيمەتر.

مىسىق تۇقىمداس جانۋارلار ىشىندە جولبارىستىڭ ايىرماشىلىعى سۋدى وتە جاقسى كورەدى. سۋدا جاقسى جۇزەدى، وزەندى تۇگەل كەشىپ وتە الادى. جاي عانا جان راحاتى ءۇشىن سۋدا ءجۇزىپ، ويناۋدى دا ۇناتادى.

الەمدەگى ەڭ ۇلكەن تاعى مىسىق - ۋسسۋرييلىك جولبارىس. ونىڭ ۇزىندىعى 3,6 مەتر، سالماعى 317 كيلوگرامعا دەيىن جەتەدى.

ولەكشىن (ۇرعاشى جولبارىس) جىلىنا 4-5 كۇندە عانا ۇرىقتانۋعا قابىلەتتى، 3 ايعا سوزىلعان جۇكتىلىكتەن كەيىن، 2-3 شونجىك (بالاسى) دۇنيەگە اكەلەدى.

سارىماقتار (بالاسى) تۋعاننان كەيىن ءبىر اپتا بويى سۋ قاراڭعى سوقىر بولادى. ولاردىڭ جارتىسى ەسەيىپ ۇلگەرمەي، ومىرىمەن قوشتاسادى.

جولبارىستار جالعىز باستى جانۋار. تەك انالىعى (ولەكشىن) عانا ماۋلەندەر (بالاسى) جەتىلىپ كەتكەنشە جانىندا بولادى.

ادامنىڭ ساۋساق ءىزى سياقتى جولبارىستاردىڭ داۋىسى دا ءبىر بىرىنە مۇلدە ۇقسامايدى.

massaget.kz


سوڭعى جاڭالىقتار