+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

الەم ەلدەرى قالاي قۇدالاسادى؟

7 قازان 18:00
:ءبولىسۋ
الەم ەلدەرى قالاي قۇدالاسادى؟

نۇر- سۇلتان. قازاقپارات - «قۇدا - مىڭجىلدىق». وسى ءبىر ۇعىم قازاق تانىمىندا بەرىك ورناعان. ءتوس قاعىستىرىپ، قۇيرىق- باۋىر اساتىپ، قۇدا اتاناتىن سالت وزگە ەلدە مۇلدەم باسقاشا. ءتىپتى، كەي ەلدەردە كەلىننىڭ قولىن سۇراي كەلگەن جاندار بولاشاق قۇداسىنا شىلىم ۇسىنادى ەكەن. تاعى قانداي قىزىقتار بار؟

شىلىم ۇسىنۋ

سۋرينامداعى ءۇندىس داستۇرىندە ەگەر جىگىت ءبىر قىزدى ۇناتىپ قالسا، جىگىتتىڭ اكەسى ءساتتى كۇندى تاڭداپ، قىزدىڭ ۇيىنە سالەم بەرە بارادى، ءارى شىلىم ۇسىنىپ قۇدالاسپاقشى بولعانىن بىلدىرەدى. بۇل قۇدالاسۋعا بولعان شىن نيەتىن ءبىلدىرۋدىڭ جولى دەپ ەسەپتەلەدى ەكەن. قىزدىڭ اكەسى شىلىمدى السا، قۇدالاسۋعا كەلىسكەنى دەپ ەسەپتەلىنەدى.

شاقىرۋ قاعازىن ۇسىنۋ

گەرمانيانىڭ شەتكەي اۋىلدارىندا قىزدىڭ اكە- شەشەسى اسەمدەلگەن شاقىرۋ قاعازىنا قىز جاقتىڭ قۇدالاسۋ شارتتارىن جازىپ، سوسىن ونى دوستارى مەن تانىستارىنا پوشتا ارقىلى جىبەرەدى ەكەن. قابىل الۋشى بولسا، قوناق كيىمىن، قالپاعىن كيىپ، قولىنا گۇل ۇستاپ، الگى شاقىرۋ قاعازىن الىپ قوناققا كەلەدى ەكەن. سودان باستاپ قۇدا بولىپ، توي قامىنا كىرىسەدى.

قول الىسۋ

ماروككوداعى بارباري تايپاسى ءار جىلى قىركۇيەك ايىندا ءبىر رەت بولاشاق كەلىندەرگە ارنالعان ءدىني جارمەڭكە وتكىزەدى. جىگىت ءبىر قىزدى ۇناتىپ قالسا، وڭ قولىن قىزعا سوزىپ يشارا جاسايدى، ەگەر قىز دا جىگىتتى جاقتىرسا وڭ قولىن سوزىپ جىگىتتىڭ قولىن ۇستايدى. قىزدىڭ وعان كوڭىلى بولماسا، وڭ قولىن بەرمەيدى. ەگەر قىز قوسىلعان بولسا: «سەن مەنىڭ باۋىرىمدى الىپ كەتتىڭ»، - دەپ ءتىل قاتادى ەكەن.

كوفە سىيلاۋ

يۋگوسلاۆيانىڭ ورتالىعىندا ەگەر جىگىت ءبىر قىزدى ۇناتىپ قالسا، ۇيىنە بارىپ قىزعا كوڭىلىن بىلدىرۋىنە بولادى. ەگەر قىز جىگىتكە قانت قوسىلعان ءتاتتى كوفە اكەلىپ بەرگەن بولسا، وندا ونىڭ ماقۇل بولعانى، ەگەر كوفە اشى بولسا، رەنجىمەڭىز، ماقۇل بولا المايمىن دەگەندى بىلدىرەدى ەكەن.

ساداق اتىپ قۇدا ءتۇسۋ

افريكاداعى تايپالاردىڭ بىرىندە قىزدار سۋ قۇيىلعان كۇبىنى توبەسىنە قويىپ، ءبىر قولىمەن سۇيەپ جۇرەدى. جىگىت قىزدىڭ سوڭىنان ەرىپ ءجۇرىپ، ساداق اتىپ، جەبەسىن قىزدىڭ الدىنا تۇسىرەدى. ەگەر قىز جىگىتتى ۇناتاتىن بولسا، جەبەنى اياعىمەن ءىلىپ الىپ، كوككە لاقتىرىپ، ونى ەكى قولىمەن ۇستاپ الادى، ءارى توبەسىندە تۇرعان سۋدى شايقالتىپ، توكپەۋى كەرەك ەكەن.

massaget.kz



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات