ۇلتتىق اكادەميالىق كىتاپحانادا تۇرسىنبەك كاكىشەۆتىڭ جەكە كىتاپحاناسى «عالىم» زالى اشىلدى - فوتو

None
None
استانا. قازاقپارات - بۇگىن ق ر ۇلتتىق اكادەميالىق كىتاپحاناسىندا قازاقستان رەسپۋبليكاسىنىڭ ەڭبەك سىڭىرگەن عىلىم قايراتكەرى، حالىقارالىق جوعارى مەكتەپتەر عىلىم اكادەمياسىنىڭ قۇرمەتتى اكادەميگى تۇرسىنبەك كاكىشەۆتىڭ جەكە كىتاپحاناسى «عالىم» زالى اشىلدى.

«وسى اشىلىپ وتىرعان ۇلكەن وقۋ زالىنا تۇرسىنبەك كاكىشەۆتىڭ اتى بەرىلىپ وتىر. عالىمنىڭ بۇل زالىنا كەلىپ، بىلىممەن سۋسىندايتىن، عىلىمعا ءوزىن قالىپتاستىراتىن بولاشاق قازاقتىڭ ۇرپاعى تالاي قاجەتتى دۇنيەسىن تاباتىن بولادى»، - دەدى پارلامەنت سەناتىنىڭ دەپۋتاتى، قازاقستان جازۋشىلار وداعىنىڭ ءتوراعاسى نۇرلان ورازالين.

2015-جىلى ومىردەن وتكەن عالىمنىڭ جەكە كىتاپحاناسىندا گۋمانيتارلىق عىلىمدار بويىنشا بەس مىڭعا جۋىق كىتاپ، سونداي-اق بەلگىلى جازۋشىلار ساكەن سەيفۋللين، ءسابيت مۇقانوۆتاردىڭ ءومىرى مەن قىزمەتىنە قاتىستى قۇندى مۇراعاتتىق قۇجاتتار بار. عالىمنىڭ قولجازبالارى، مۇراعاتتىق قۇجاتتارى مەن باسقا دا ماتەريالدارىنان قۇرالعان 83 پاپكا قۇجات كىتاپحاناعا سىيعا بەرىلدى.

تۇرسىنبەك كاكىشەۆتىڭ جەكە كىتاپحاناسىن عالىمنىڭ جۇبايى، فيلولوگيا عىلىمدارىنىڭ دوكتورى، پروفەسسور كۇلاش سادىق قىزى احمەت ق ر ۇلتتىق اكادەميالىق كىتاپحاناسىنىڭ قورىنا تارتۋ ەتتى.

ءوز كەزەگىندە ق ر مادەنيەت جانە سپورت ءمينيسترى ارىستانبەك مۇحامەدي ۇلى عالىمنىڭ جيناعان عىلىمي مول قازىناسىن كىتاپحاناعا تارتۋ ەتكەنى ءۇشىن العىسىن ايتتى.

«عالىمنىڭ ءوزىنىڭ جەكە قولجازبالارى، ىزدەنىپ تاپقان قۇندى ماتەريالدارى قامتىلعان. بۇنىڭ بارلىعى الداعى ۋاقىتتا زەرتتەۋدى قاجەت ەتەتىن شىعارمالار»، - دەدى مينيستر.

ايتا كەتەيىك، زالدىڭ اشىلۋى اياسىندا «ماعجان-ساكەن» كىتابىنىڭ تۇساۋى كەسىلدى.

كاكىشەۆ كىتاپحاناسىن وتە ۇلكەن ءارى قورى باي جەكە كىتاپحانالاردىڭ ءبىرى دەپ اتاۋعا بولادى. كىتاپحانادان يەسىنىڭ ءوزىنىڭ ءىرى تۇلعا ەكەندىگى - ونىڭ ەنتسيكلوپەديزمى، كەڭ وي-ءورىسى، ىنتا-جىگەرى، تەرەڭ بىلىمدىلىگى كورىنەدى. سىيعا تارتىلعان تۋىندىلار قاتارىندا اراب تىلىندەگى سيرەك باسىلىمدار جانە لاتىن الىپبيىندەگى قازاق بالالار ادەبيەتى، كوركەم ادەبيەتتەر، ادەبيەتتانۋ، تاريح، ارحيتەكتۋرا، ونەر، ەنتسيكلوپەديالار توپتامالارى، انىقتامالىقتار، وتاندىق جۋرنالدار، انتيكالىق اۆتورلاردىڭ كىتاپتارى دا كوپتەپ تابىلادى، سونداي-اق قىرعىز، قىتاي جانە تۇرىك تىلدەرىندەگى تۋىندىلار دا كەزدەسەدى.

تۇرسىنبەك كاكىشەۆتىڭ كىتاپحاناسى جاڭا «عالىم» زالىندا ورنالاسقان. جاڭا زال اقپاراتتىق، مادەني جانە ءبىلىم بەرۋ مىندەتتەرىن اتقارادى. نەگىزگى مىندەتى - پايدالانۋشىلارعا، سول قاتاردا زەرتتەۋشىلەرگە، ماگيسترانتتارعا، عالىمدارعا اقپاراتتىق-بيبليوگرافيالىق قىزمەت كورسەتۋ، مادەني-كوپشىلىك ءىس-شارالار وتكىزۋ.

null null null null null null null

سوڭعى جاڭالىقتار