استانادا قىتاي قوعامدىق قاۋىپسىزدىك ورگاندارىمەن ءوزارا ارەكەتتەستىك ماسەلەسى قاراستىرىلدى

None
None
 استانا. قازاقپارات - ەلوردالىق ىشكى ىستەر دەپارتامەنتىنە قىتاي حالىق رەسپۋبليكاسىنىڭ دەلەگاتسياسى: ق ح ر شانشي پروۆينتسياسىنىڭ قوعامدىق قاۋىپسىزدىك دەپارتامەنتى باستىعىنىڭ ءبىرىنشى ورىنباسارى جاڭ لان، ق ح ر شانسي پروۆينتسياسى شيان قالاسىنىڭ قوعامدىق قاۋىپسىزدىك باسقارماسى باستىعىنىڭ ورىنباسارى شياۋ سيليان، ق ح ر شانشي پروۆينتسياسىنىڭ قوعامدىق قاۋىپسىزدىك دەپارتامەنتىنىڭ عىلىمي- زەرتتەۋ ءبولىمىنىڭ باستىعى جاڭ باوحان جانە باسقالارى كەلدى.

اتالمىش ءىسساپاردىڭ ماقساتى ەكى مەملەكەتتىڭ قۇقىق قورعاۋ ورگاندارى اراسىنداعى ىنتىماقتاستىقتى نىعايتۋ بولىپ تابىلدى.

استانا قالاسى ىشكى ىستەر دەپارتامەنتىنىڭ جەتەكشىسى پوليتسيا گەنەرال- مايورى امانتاي اۋباكىروۆ ءوز سوزىندە قوعامدىق ءتارتىپتى قورعاۋ سالاسىنداعى ءوزارا ارەكەتتەستىك ماسەلەسى ماڭىزدى باعىتتاردىڭ ءبىرى بولىپ تابىلاتىندىعىن اتادى.

كەزدەسۋدە قىتاي دەلەگاتسياسى تاراپىنان شانشي پروۆينتسياسى، 38 ميلليون ادام سانىنا جەتەتىن حالقى، قوعامدىق ءتارتىپتى قورعاۋ جايى ايتىلدى.

سونداي- اق قوناقتار قالاداعى ماماندىرىلعان حالىققا قىزمەت كورسەتۋ ورتالىعىنا باردى.

 مادەني باعدارلاما شەڭبەرىندە ق ح ر دەلەگاتسياسى استانا قالاسى ءى ءى د مۇراجايىنا، قازاقستان رەسپۋبليكاسى قورعانىس مينيسترلىگىنىڭ اسكەري- پاتريوتتىق ورتالىعىنىڭ تاريحي مۇراجايىنا بارىپ، قالانى ارالادى، دەپ حابارلادى استانا قالاسى ءى ءى د باسپا ءسوز قىزمەتى.



null

سوڭعى جاڭالىقتار