نۇرسۇلتان نازاربايەۆ: «ۇلكەن جيىرمالىق» سامميتىندە بۇكىل الەم تىنىسى سەزىلەدى
«مەن سانكت-پەتەربورداعى سامميتتەن كەيىن، ءتوراعا شي جينپيڭنىڭ شاقىرۋىمەن G20 سامميتىنە ەكىنشى رەت قاتىسىپ وتىرمىن. الەم ەكونوميكاسىنىڭ جارتىسىنىڭ، دۇنيەجۇزى حالقىنىڭ %70 نىڭ اتىنان كەلگەن مەملەكەت باسشىلارى قاتىسقان مۇنداي ءىرى شاراعا قاتىسۋ - قازاقستان ءۇشىن ۇلكەن مارتەبە. مۇندا جاھاندىق ەكونوميكانىڭ، جاھاندىق ساياساتتىڭ وزەكتى ماسەلەلەرى تالقىلانادى، قاۋىپسىزدىك ماسەلەلەرى بويىنشا الەمدىك، ايماقتىق ىستەر بويىنشا ورتاق پوزيتسيا جاسالادى»، - دەدى مەملەكەت باسشىسى.
ن. نازاربايەۆ سامميتتىڭ ءبىرىنشى سەسسياسىندا زاماناۋي جاھاندىق ماسەلەلەر بويىنشا قازاقستان بولجاۋلارىن تانىستىرعانىن اتاپ ءوتتى.
ونىڭ ايتۋىنشا، تەڭدەستىرىلگەن جاھاندىق ەكونوميكادا ا ق ش نىق سەنىممەن تۇرسا، ەۋروپا ەلدەرى مەن دامۋشى ەلدەر ەكونوميكالىق ماسەلەلەرگە الاڭداۋشىلىق بىلدىرۋدە.
«دامۋشى ەلدەردى اۋقىمدى جۇمىسسىزدىق الاڭداتۋدا. عىلىمي-تەحنيكالىق پروگرەسس پەن تەحنولوگيانىڭ دامۋعا بايلانىستى ادامداردىڭ كوپشىلىگى قىسقارتۋعا ۇشىرادى (...) مۇنىڭ ءبارىن قازاقستان ەسكەرىپ، ويعا ءتۇيىپ، الدىن الا شارالار قولدانۋى ءتيىس. ياعني، ورتاق شەشىم مىناۋ: قازاقستاندى يندۋستريالاندىرۋ، مۇنداي قيىن كەزەڭدەگى ءبىزدىڭ مەملەكەتتىك ينۆەستيتسيالارعا قاتىستى باعدارلامالارىمىز وتە دۇرىس. جۇمىسسىزدىقتىڭ تومەن دەڭگەيىن ساقتاپ تۇرۋ، جاڭا جۇمىس ورىندارىن اشۋ جانە داعدارىسپەن كۇرەستەن ەكونوميكالىق وسۋگە بەت الۋ كەرەك. ءدال وسى ماسەلەنى 9- قىركۇيەكتە ۇكىمەتتىڭ كەڭەيتىلگەن وتىرىسىندا تالقىلايمىز»، - دەدى ن. نازاربايەۆ.
ەسكە سالساق، 1- قىركۇيەكتە ن. نازاربايەۆ ق ح ر ءتوراعاسى شي جينپيڭنىڭ شاقىرتۋىمەن G20 سامميتىنە قاتىسۋ ءۇشىن قىتايعا كەلدى. ءبىرىنشى سەسسيادا مەملەكەت باسشىسى جاھاندىق ەكونوميكا ماسەلەلەرىن شەشۋ جولدارى تۋرالى ءوز بولجامدارىن ايتتى.