USD 434.84 EUR 498.2
RUB 5.72 CNY 68.47
جاڭالىقتار

الەمدەگى ەڭ بيىك سارقىراما

4 قازان 17:30
:ءبولىسۋ
الەمدەگى ەڭ بيىك سارقىراما

نۇر- سۇلتان. قازاقپارت - الەمدەگى ەڭ بيىك انحەل سارقىراماسى - ۆەنەسۋەلانىڭ تروپيكالىق ورماندارىندا، كانايما ۇلتتىق ساياباعىند اورنالاسقان. قايتالانباس تابيعات كەرەمەتىنىڭ بيىكتىگى - 1000 مەترگە جۋىق، ال سۋدىڭ ۇزدىكسىز ءتۇسۋ بيىكتىگى - 800 مەتر.

انحەل ءوز باستاۋىن كارراونىڭ ءبىر تارماعى سانالاتىن چۋرۋن وزەنىنەن الادى. سۋدىڭ قۇلاۋ بيىكتىگى سونشا، جەرگە جەتكەنشە، سۋ ۇساق بولشەكتەرگە ءبولىنىپ، تۇمانعا اينالادى. تۇماندى بىرنەشە شاقىرىمنان سەزۋگە بولادى. جوعارىدان قۇلاپ تۇسكەن سۋ كەرەپ وزەنىنە كەلىپ قۇيىلادى.

جەرگىلىكتى تۇرعىندار اراسىندا سارقىرامانى «وتە تەرەڭ جەر سارقىراماسى» دەپ اتاۋ قالىپتاسقان.


ال الەم حالىقتارىنا كەڭىنەن تانىمال بولعان «انحەل» اتاۋى - 1933- جىلى جوعارىدان ۇشىپ ءوتىپ بارا جاتىپ، سارقىرامانى تۇڭعىش رەت بايقاعان ۇشقىش ەيندجەل دجەيمستىڭ ەسىمىمەن بايلانىستى.

1933- جىلى العاش رەت بايقاپ وتكەننەن كەيىن، ۇشقىش ەيندجەل دجەيمس 4 جىلدان كەيىن قازاننىڭ توعىزىنشى جۇلدىزىندا ءوزىنىڭ كەزەكتى ساپارى كەزىندە، ۇشاعىن سول جەرگە قوندىرماقشى بولادى. الايدا، ۇشقىشتىڭ بۇل ارەكەتى ساتسىزدىككە ۇشىراپ، ءدال وسى سارقىراما ماڭىندا اپاتقا ۇشىرايدى. ناتيجەسىندە تىكۇشاقتاعى ەيندجەل مەن ايەلى جانە ەكى جولاۋشى 11 كۇن بويى وركەنيەتتەن تىس ءومىر سۇرەدى. قيىن ساتتەردى باستان وتكەرىپ، ەلدەرىنە امان- ەسەن ورالادى.

ەيندجەلدىڭ «فلامينگو» ۇشاعى 33 جىل بويى تىكۇشاقپەن الىپ كەتكەنشە، سول توبەدە تۇرادى. بۇگىندە ۇشاق ماراكاي قالاسىنىڭ اۆياتسيالىق مۇراجايىندا قايتا قالپىنا كەلتىرىلىپ، قالانىڭ سيۋداد- بوليۆار اۋەجايىنىڭ الدىندا تۇر.

1949- جىلى ۇلتتىق گەوگرافيالىق قوعامىنىڭ ۇيىمداستىرۋىمەن (ا ق ش) الەمدەگى ەڭ بيىك سارقىراماعا ەكسپەديتسيا جاسالىپ، ناتيجەسىندە ونىڭ بيىكتىگى انىقتالدى.


massaget.kz



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات