قازاقستان جوعارى حالىقارالىق بەدەلگە يادرولىق قارۋسىز قول جەتكىزدى - ەلباسى
بۇل تۋرالى بۇگىن استاناداعى سەمەي يادرولىق سىناق پوليگونىنىڭ جابىلۋىنا 25 جىل تولۋىنا ارنالعان «يادرولىق قارۋسىز الەم قۇرۋ» اتتى حالىقارالىق كونفەرەنتسيادا ەلباسى نۇرسۇلتان نازاربايەۆ ءمالىم ەتتى.
ەلباسى شيرەك عاسىردا قازاقستاننىڭ ۇلگىسىندە بەيبىتشىلىك پەن يادرولىق قارۋسىزدانۋ جولىندا ءتيىمدى مودەل قۇرىلعانىنا توقتالا كەلە، «بۇل مودەلدى الەمنىڭ بارشا ەلدەرىنە پايدالانۋدى ۇسىنامىز» دەدى.
وسى رەتتە پرەزيدەنت قازاقستان تاۋەلسىزدىگىن يادرولىق پوليگونسىز العانىن، ەگەمەن ەلىمىزدىڭ ىرگەسى يادرولىق قارۋسىز دا نىعايتىلعانىن قاداپ ايتتى.
«قازاقستاننىڭ جوعارى حالىقارالىق بەدەلىنە يادرولىق قارۋسىز قول جەتكىزىلدى»، - دەدى ن. نازاربايەۆ.
مەملەكەت باسشىسى كونفەرەنتسيا بارىسىندا قازاقستان يادرولىق قاۋىپسىزدىك سالاسىندا بارلىق نەگىزگى حالىقارالىق كەلىسىمدەردىڭ قاتىسۋشىسى بولىپ تابىلاتىنىن اتاپ ءوتتى.
اتاپ ايتقاندا، فورۋم بارىسىندا جالپى وتىرىس، سونداي-اق ءتورت پانەلدىك سەسسيالار وتەدى. كونفەرەنتسيانىڭ قوسالقى ۇيىمداستىرۋشىسى يادرولىق قارۋدى تاراتپاۋ جانە جويۋ جولىنداعى پارلامەنتشىلەردىڭ (PNND) حالىقارالىق ۇيىمى بولىپ تابىلادى. فورۋم ب ۇ ۇ باس اسسامبلەياسىنىڭ قارارىنا سايكەس جىل سايىن اتالىپ وتىلەتىن يادرولىق سىناقتارعا قارسى ءىس-قيمىلدىڭ حالىقارالىق كۇنى اياسىندا وتۋدە.
اۆتور: رۋسلان عابباسوۆ