استانا مەن الماتى قالاسىندا كەڭ اۋقىمدى «قازاقستاندا قىتايمەن تانىس بولۋ» شاراسى وتەدى

None
None
 الماتى. قازاقپارات - 2016 -جىلدىڭ 26 - تامىزى مەن 2 - قىركۇيەگى ارالىعىندا استانا مەن الماتى قالالارىندا «قازاقستاندا قىتايمەن تانىس بولۋ» اتتى كەڭ اۋقىمدى شارا وتكىزىلەدى.

 بۇل تۋرالى بۇگىن الماتىدا وتكەن باسپا ءسوز ءماسليحاتى بارىسىندا قىتاي حالىق رەسپۋبليكاسىنىڭ الماتىداعى باس كونسۋلى چجان ۆەي مالىمدەدى.

«بۇل شارانىڭ باستى ماقساتى قازاقستان پرەزيدەنتى نۇرسۇلتان نازاربايەۆ پەن ق ح ر ءتوراعاسى شي جينپيڭنىڭ «نۇرلى جول» جاڭا ەكونوميكالىق ساياساتى مەن «جىبەك جولى ەكونوميكالىق بەلدەۋى» باستاماسىن ءوزارا ۇيلەستىرۋدە قول جەتكىزگەن كەلىسىمدەرىن جۇزەگە اسىرۋعا اتسالىسۋ، ەكى ەل اراسىنداعى دوستىق قارىم- قاتىناستى نىعايتۋ جانە ونىڭ ءارى قاراۋ دامۋىنا ىقپال ەتۋ»، - دەدى چ. ۆەي.

 ايتا كەتەلىك، جوبا اياسىندا 2016 -جىلدىڭ 26 - تامىزى مەن 2 - قىركۇيەگى ارالىعىندا الماتىدا ق ر ۇلتتىق كىتاپحاناسىندا «قىتاي پاۆيلونى» جانە «قىتايدا وندىرىلگەن ينتەللەكتۋالدىق تەحنيكا» كورمەسى، ينتەركونتينەنتال قوناق ۇيىندە «قىتايداعى تۋريزم» تانىستىرىلىم شاراسى، ءال- فارابي اتىنداعى قازاق ۇلتتىق ۋنيۆەرسيتەتىنىڭ ءو. جولداسبەك اتىنداعى ستۋدەنتتەر سارايىندا قىتايدىڭ ماتەريالدىق ەمەس مادەني مۇراسى جانە قىتايداعى تۋريزم تاقىرىبىندا فوتوكورمە، سونداي- اق، 28 - تامىزدا وسى ستۋدەنتتەر سارايىندا «ۇلى جىبەك جولى - عاسىرلارعا ۇلاسقان دوستىق» تاقىرىبىندا گالا- كونسەرت بولادى.

اۆتور: ايبوتا جاپپاربەرگەن

سوڭعى جاڭالىقتار