+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

باۋىرجان مومىش ۇلىنىڭ مۇحتار اۋەزوۆكە جازعان حاتى

20 قىركۇيەك 18:40
:ءبولىسۋ
باۋىرجان مومىش ۇلىنىڭ مۇحتار اۋەزوۆكە جازعان حاتى

نۇر- سۇلتان. قازاقپارات - نەلىكتەن ەكەنىن قايدام، قولىم قازاقشا جازۋعا جۇرمەي وتىرعانى - كەشىرەرسىز.

مەن سىزگە قازىرگى زامانعى سوعىس مۇشكەتەرلەر مەن پيكەتەرلەردىڭ سوعىسى ەمەس جانە دە ۇلى وتان سوعىسىنىڭ وفيتسەرلەرى (مۋندير كيگەن كەز كەلگەن پەندەنى ەمەس، ناعىز وفيتسەرلەردى ايتىپ وتىرمىن) - سىزگە XVI عاسىردىڭ رىتسارلارى ەمەس دەپ جازعان ەدىم ...
ولار نەگىزىنەن ءۇش كاتەگورياعا بولىنەدى: جاقىن قاشىقتىقتاعى وفيتسەرلەر، تاكتيكالىق ويلاۋ جانە تاكتيكالىق ماقساتتاعى وفيتسەرلەر، ستراتەگيالىق ويلاۋ جانە ستراتەگيالىق ماقساتتاعى وفيتسەرلەر. بۇل سوعىستا ۇرىس دالاسىندا قىزۋ قاندى ادامدار اقىلمەن، ەپتىلىكپەن سوعىساتىن بولادى.

ءسىز قالايشا «نامىس گۆاردياسىنا» بايلانىستى بەيعامدىققا، تىم اڭعال سەنگىشتىككە جول بەرىپ العانسىز، ءسىزدىڭ كوركەمدىك قۋاتى كۇشتى، باي، ورامدى، ۇتقىر، تۇشىمدى دا تەرەڭ ويلى ايشىقتى تالانتىڭىزعا ءبىلىمسىز، تار ءورىستى، پاراساتسىز، قوسالقى اۆتورىڭىزدىڭ قوسارلاسۋ جاساندى، وكىنىشتى، انايى بولىپ شىققان ەكەن.

ويتكەنى قۇدايدىڭ سۋرەتىن سالۋشىلار (بوگومازى) كەز كەلگەن سۋرەتشىدەن جاقسى سالعانىمەن، ەش ۋاقىتتا سۋرەتشى بولىپ سانالعان ەمەس، ياعني قۇدايدىڭ سۋرەتىن ساۋلشىنىڭ قىل قالامىنان ەش ۋاقىتتا ناقتى ءومىردىڭ سۋرەتى شىققان ەمەس.. .

اتتەڭ، حاس سۋرەتشىنىڭ ءبىلىمسىز اداممەن بىرلەسە جۇمىس ىستەيمىن دەپ وليلاماعان جەردەن قۇدايدىڭ سۋرەتىن سالۋشى بولىپ شىققانى قانداي وكىنىشتى، قىنجىلارلىق- اق.

پەسادا ءتارتىپ، اسكەري جانە كۇندەلىكتى ومىردەگى مىنەز- قۇلىق پەن ادەپتىلىك نورمالارى مۇلدەم كورسەتىلمەگەن، پورنوگرافيالىق جۇگەنسىزدىككە دەيىن جەتكەن، ورىندى دا، ورىنسىز دا كەز كەلگەن ساتتە ەرنىن توسا بەرەتىن، ءوزىنىڭ ىشكى سەزىمىن تەجەي المايتىن انا اقىماق نينا دەگەن كىم؟

ۆالەنتينانى، وعان ءار ءتۇرلى بولماعان نارسەلەردى تاڭىپ ماداقتاۋدىڭ كەرەگى نە؟

بۇيرىقتىڭ كۇشى، ونىڭ مۇلتىكسىز ورىندالۋى، ءامىر ەتۋشى قاتال كوماندير ويىنىڭ ناقتىلىعى قايدا؟ جاۋىنگەرلىك تاپسارمانى ورىنداۋ جونىندەگى نەعىلعان اڭگىمە، بوس مىلجىڭ، كىمنىڭ ساپتىڭ باسىندا جۇرۋىنە بايلانىستى نەعىلعان ساۋداعا سالۋشىلىق، نەعىلعان ەركىنە سالۋشىلىق پەن جالىنىپ- جالبارىنۋشىلىق؟

تابان تىرەسە قارسىلىق كورسەتپەي، قىسىلشاڭ جاعدايسىز، كەيدە ۋاقىتشا جەڭىلىسكە ۇشىراماي- اق تىماقتى اسپانعا اتاتىن جەڭىستى قايدان الدىڭىز؟ نەعىلعان پارىقسىز، جۇرەك اينىتارلىق ايقاۋ- شۋ، ۋرا؟

ءسىز ءوز ەركىن قاراماعىنداعى جاۋىنگەرلەرگە عانا ەمەس، سونىمەن بىرگە دۇشپانعا دا تاڭاتىن، بيلىكتى تولىق قولىنا العان وفيتسەردى قايدا جىبەرگەنسىز، ءتىپتى پانفيلوۆتى قويان- قولتىق ۇرىستىڭ شەبەرى رەتىندە كورسەتىپسىز. تاكتيكا مەن ستراتەگيانىڭ نە ەكەنىن شىنىمەن تۇسىنبەگەنىڭىز بە؟

جۇرتتىڭ ءبارىن بىردەي قولىنا نايزالى ۆينتوۆكا ۇستاعان سولداتتاي قاراۋعا استە دە بولماس.

ءبىزدىڭ اسكەري عىلىمىمىز، وپەراتيۆتىك- تاكتيكالىق ويلارىمىز، وپەراتسيالاردىڭ تاكتيكالىق- ستراتەگيالىق ماڭىزى مەن قاراما- قارسى جاقتاردىڭ قالىپتاسقان جاعدايداعى جاي- كۇيى قايدا؟

ءسىز ەلگەزەك سولداتتى، مويىنسۇنعىش، وتە ءادىل، ايبىندى، ەرجۇرەك، قاراپايىم جاۋىنگەردى قايدا جىبەرگەنسىز؟ ءسىزدىڭ تولەگەنىڭىز ۇرىس دالاسىنىڭ سولداتىنان گورى ساحنا سايقىمازاعىنا اينالعان.

دوستارمەن قارىم- قاتىناستا تىك ءارى دورەكىلەۋمىن - بۇل مەنىڭ كەمشىلىگىم. ءسىزدىڭ اتىڭىزعا تەك جازالاۋمەن عانا كومەكتەسە الاتىنىما وتە وكىنىش بىلدىرمەكپىن.

اسا قۇرمەتپەن

ءوزىڭىزدىڭ باۋىرجانىڭىز

17.11.1942 ج
massaget.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات