استانادا جەر رەفورماسى بويىنشا رەسپۋبليكالىق كوميسسيانىڭ وتىرىسى باستالدى
بۇدان بۇرىن حابارلانعانداي، وسىعان دەيىن كوميسسيا مۇشەلەرى ءبىرقاتار وتىرىستى استانادا وتكىزىپ، سودان كەيىن اقمولا، الماتى، قىزىلوردا، اتىراۋ وبلىستارىنىڭ حالقىمەن كەزدەستى.
پرەمەر- ءمينيستردىڭ ورىنباسارى- اۋىل شارۋاشىلىعى ءمينيسترى اسقار مىرزاحمەتوۆ ءتوراعالىق ەتكەن باسقوسۋعا اۋىل شارۋاشىلىعى تاۋارىن وندىرۋشىلەر مەن كاسىپكەرلەر، سالالىق وداقتار مەن قاۋىمداستىقتار، ءار دەڭگەيدەگى قوعامدىق كەڭەس مۇشەلەرى، پارتيالىق جانە كاسىپوداق ۇيىمدارى، ورتالىق جانە جەرگىلىكتى اتقارۋ ورگاندار وكىلدەرى قاتىستى. وبلىس اۋداندارىنىڭ تۇرعىندارى سەلەكتورلىق رەجيممەن بايلانىسقا قوسىلىپ، كوميسسيا مۇشەلەرىنە ءوز وي- پىكىرلەرىن جەتكىزدى.
وتىرىستىڭ كۇن تارتىبىندە ءبىرقاتار ماسەلە قارالدى. وسى رەتتە اۋىل شارۋاشىلىعى جەرلەرىن قازاقستاندىقتارعا جالعا بەرۋ ينستيتۋتىن جەتىلدىرۋ. سونىڭ ىشىندە جەردى ۇتىمدى پايدالانۋعا باقىلاۋدى كۇشەيتۋ، جەردى جالعا بەرۋ راسىمدەرىنىڭ اشىقتىعى مەن تيىمدىلىگىن ارتتىرۋ، ءبىر قولعا جالعا بەرىلەتىن جەرلەردىڭ شەكتى مولشەرىن بەلگىلەۋ، ەلىمىزدىڭ شەكارالاس اۋماقتارىنان بەرىلەتىن اۋىل شارۋاشىلىعى جەرلەرىن پايدالانۋ ءتارتىبىن قاتايتۋ سياقتى ماسەلەلەر كەڭىنەن تالقىلاندى. سونىمەن قاتار، ەلدى مەكەندەردىڭ ماڭايىنان جەرگىلىكتى تۇرعىنداردى قاجەتتى جايىلىمدىق جەرلەرمەن قامتاماسىز ەتۋ جۇيەسى جونىندە اڭگىمە قوزعالدى. بۇدان بولەك، موراتوري جاريالانعان ەكى ماسەلە - جەردى قازاقستاندىقتارعا جەكەمەنشىككە بەرۋ جانە شەتەلدىكتەرگە جالعا بەرۋ تاقىرىبىندا وي- پىكىر الماسۋلار قامتىلىپ وتىر.
اۆتور: رۋسلان عابباسوۆ