كىتاپ وقيتىن ادام مىڭ ءومىردى كورەدى

نۇر- سۇلتان. قازاقپارات - باسقالاردان ەرەك بولعىڭىز كەلە مە؟ وندا كىتاپ وقۋدى باستاڭىز. بارلىعىمىز بىلەمىز، وقۋ دەگەن كۇشتى، پايدالى، ءبىراق ساناۋلى عانا قولعا كىتاپ الىپ وقيدى.

بۇل تىزىمدە كىتاپتان بولەك دۇرىس تاماقتانۋ، سپورتپەن اينالىسۋ، تىلدەر وقۋ جانە ت. ب. سەكىلدى ىستەگىمىز كەلەتىن ارەكەتتەر بار، ءبىراق ارەكەتكە بارمايمىز. ادامداردىڭ باسىم بولىگى ءبىلىم الىپ، اقىلدىراق بولعىسى كەلمەيتىندەي كورىنەدى.

ارينە قازىر ساۋىعۋدىڭ جولى وڭاي. الەۋمەتتىك جەلى، كومپيۋتەرلىك ويىندار، تەلەديدار - ءبارى سونداي جاقىن. بۇعان قارسى تۇرۋ وتە قيىن. ءبىراق بۇعان قارسى تۇرۋ كەرەك. وقۋ ورنىنان شىققاننان كەيىن وقۋ ادام ومىرىنەن تىسقارى قالاتىنى قالىپتاسقان جاعدايعا اينالدى. قانداي ماسەلەگە جولىقساڭ دا، ول جايىندا سەنەن دە اقىلدى بىرەۋ ماقالا، الدە كىتاپ جازىپ كەتكەن. كىتاپتى وقۋ ۋاقىت پەن قۋاتتى ۇنەمدەۋگە مۇمكىنشىلىك بەرەدى. ماسەلەنى وڭاي شەشۋگە جول اشادى، تەك كىتاپ وقىپ باستاۋ كەرەك.

ادام جاساۋى مۇمكىن ەڭ جاقسى ينۆەستيتسيا - ول كىتاپ. مىسالى، كىتاپ جازۋ ءۇشىن جازۋشى، نە عالىم سول ماسەلە تۋرالى جازۋ ءۇشىن 100 ساعات ۋاقىت جۇمسادى. ول ءسىز ءۇشىن نە بىلدىرەدى؟ ءوزىڭىزدىڭ 100 ساعاتتىڭىزدى ۇنەمدەۋ دەگەنمەن پاراپار. دونالد ترامپ، ۋوررەن باففەت، دەيل كارنەگي جانە باسقا دا تانىمالداردىڭ كىتاپتارىن وقىپ قانشا ۋاقىت ۇنەمدەۋگە بولادى؟ ءوزىڭىز ويلاپ كورىڭىز. وسى ماسەلە بويىنشا جاسالعان زەرتتەۋلەر قورىتىندىلارى بويىنشا كىتاپ وقۋشىلاردا:

- سوزدىك قور كوبەيەدى؛

- ءارتۇرلى سالا بويىنشا كرەاتيۆتى ويلاۋ داميدى؛

- سترەسس دەڭگەيى تومەندەيدى؛

- ۆەربالدى قابىلەتتەر ارتادى.

سونىمەن قاتار، ادەبي شىعارمالاردى وقي وتىرىپ، كوپتەگەن ءومىردى «ءسۇرىپ» كورۋگە بولادى. ۋوررەن باففەتكە اقىلدى بولۋ ءۇشىن نە ىستەۋ كەرەك دەگەنگە، باففەت: «كۇنىنە 500 بەت كىتاپ وقۋ كەرەك» دەگەن. ونى كوبىمىز تۇسىنەمىز، ءبىراق ىسكە اسىرۋدا قينالىپ قالامىز. ءبىراق كەيبىر ادامدار ەرىكتەرىن مىقتى بولىپ، كىتاپ وقۋدى ادەتكە اينالدىرادى. مىسالى، مارك كيۋبان، امەريكالىق تانىمال ميللياردەر، ءوزىنىڭ العاشقى بيزنەسىن باستاعان كەزدە كىتاپ دۇكەنىندە بارلىق كىتاپتاردى وقىپ شىققان.

جۇمسالعان 20 ا ق ش دوللارى سەنىڭ الدىدا اشاتىن مۇمكىنشىلىكتەر ءۇشىن وتە از اقشا. بۇل ومىردە بارلىق ادامدارعا اقپارات قول جەتىمدى، ءبىراق بارلىعى ونى پايدالانا بەرمەيدى. شىندىعىندا، ادامدار ايىنا بىرنەشە ساعات عانا وقيدى. كۇنىنە تۇراقتى تۇردە 50-100 بەت وقىپ باستاۋ اسا قيىن ەمەس. باسقا ادامدار وقيتىننان كوپ وقۋعا تىرىسۋ كەرەك. جاڭا كوپ اقپاراتتى ءبىلىپ، ونى پايدالانا ءبىلۋ كەرەك. الىنعان ءبىلىمدى شىنايى ومىردە پايدالانا ءبىلۋدى ۇيرەنۋ دە كىتاپتاردا جازىلادى. باستىسى الدىعا ماقسات قويىپ، كوپ وقۋ كەرەك. سوندا ءسىز ءومىردىڭ سان قىرلى قىرلارىن كورە الاسىز.

دەرەككوز: anabol.kz