+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

اكەسى بالاسىنا نە ايتۋى كەرەك؟

14 قىركۇيەك 18:26
:ءبولىسۋ
اكەسى بالاسىنا نە ايتۋى كەرەك؟

نۇر- سۇلتان. قازاقپارات - قازىرگى قوعامدا قىز سەكىلدى جىگىتتەر كوپ. سەبەبى ولاردىڭ كوز الدىنداعى ۇلگى بولارلىق انا-اپكەلەرى، مۇعالىمدەرى دە ايەل زاتى.

اكەسى ناعىز ەر ادام بولىپ، بالاسىن اسكەري تارتىپپەن تاربيەلەمەسە، جاعداي قيىن.

1. ادامدارمەن امانداسقاندا، بەتپە- بەت سويلەسكەندە، كوزىنە تىك قارا. قولىن العاندا، سەنىمدى بول.

2. اتا- اناڭدى سىيلا.

3. قىزمەتىڭە جاۋاپكەرشىلىكپەن قارا. ەسىڭدە بولسىن: الەمدەگى بارلىق جۇمىس ماڭىزدى. بىرەۋدىڭ لاۋازىمى سەنەن تومەن بولسا، سوزبەن تىلمە.

4. الدىڭداعى ءىستى ءوزىڭنىڭ جاساي الاتىنىڭدى بىلسەڭ، وزگەنى مازالاما. مۇنىمەن كوپ نارسەگە قول جەتكىزەسىڭ.

5. باۋىرمال بول. قولىڭنان كەلگەنشە، ادامدارعا كومەكتەس.

6. نازىك جاندىلاردى جانە ولاردىڭ تاڭداۋىن سىيلا. ىشىندە بىرەۋى جارىڭ بولۋى مۇمكىن.

7. ايتارىن ايتىپ، ءوزىڭ باسقا تىرلىك جاساپ جۇرگەن جارامايدى.

8. سالماقتى بول. ەر بول.

9. ەر ادام تۇلعاسىنا ءمان بەرۋى ءتيىس. سىرادان پايدا بولعان قارىن ەشكىمگە ادەمىلىك سىيلاعان ەمەس.

10. ۇنەمى اقىلىڭدى تولىقتىر.

11. زاڭ قىزمەتكەرلەرىنەن قاشپا. اسىرەسە، پوليتسيا قىزمەتكەرلەرىنىڭ شەنىن جاتقا ءبىلىپ ءجۇر. ەسىڭدە بولسىن: ءبىر جولاق - كىشى وفيتسەرلىك قۇرام، ال ەكەۋ بولسا، اعا وفيتسەر.

12. كيىم كيۋ مادەنيەتىن ساقتا: شالباردىڭ ۇزىندىعى وكشەنىڭ ورتاسىنان اسپاۋى ءتيىس. پەنجاكتىڭ جەڭى جەيدەنىڭ مانجەتىن جاپپاۋى كەرەك. گالستۋك بەلدىككە دەيىن ءتۇسىپ تۇرعانى ءجون. اياعىڭا كيگەن شۇلىعىڭ وتىرعان كەزدە بالتىرىڭدى جاۋىپ تۇرۋى كەرەك. بەلدىكتى اياق كيىمنىڭ تۇسىنە قاراي تاڭدا.

13. ەگەر جەكپە-جەكتەن قاشۋ مۇمكىن بولماسا، ءبىرىنشى بولىپ ۇر جانە بار كۇشىڭمەن، جەڭگەنگە دەيىن. جاي جۇدىرىق قارسىلاسىڭا سەنىڭ السىزدىگىڭنەن حابار بەرەتىن بولادى.

14. جەكپە-جەك كەزىندە ءوز كۇشىڭدى باقىلا. اشۋلى بولۋ ەسسىز بولۋ دەگەن ءسوز ەمەس. اياق استىنان بىرەۋدى جازىم ەتۋىڭ مۇمكىن ەكەندىگىڭدى ەسكەر.

15. نازىك جاندىلارعا ەشقاشان جانە مۇلدە قول كوتەرۋگە بولمايدى.

16. جالقاۋلىعىڭدى ءوزىڭ تىي. ادامزات تاريحىندا ەشكىم ەرىنشەكتىكپەن جەتىستىككە جەتكەن ەمەس.

17. سەنىڭ جانىڭدا قىز بالا ءوزىن جايلى سەزىنۋى ءتيىس.

18. وتباسىنى قامتاماسىز ەتەتىن ەر ادام. بۇل - ونىڭ مىندەتى.

19. بىرەۋگە قارىز بەرسەڭ، ويلانپ بەر. ول اقشانى بەرگەنىڭە كەيىن وكىنىپ جۇرمە.

20. ەڭ بولماسا، ءبىر سالادا شەبەر بول. «مەن مىنانى جاساي الامىن» دەيتىن تىرلىگىڭ بولسىن.

21. ەشقاشان شاعىم ايتپا. مۇنىمەن ماسەلەڭ شەشىلىپ كەتپەيدى.

22. ناتيجە بەرەتىن ىسپەن شۇعىلدان. ەسىڭدە بولسىن، ۋاقىت باعالى. ۋاقىت شىعىنىنا دۋشار بولماعان دۇرىس.

23. ايەلدەردى تۇسىنۋگە تالپىنبا. ولار بىزدەن ەرەك ويلانادى.

24. مىلجىڭدىق ەردىڭ ءسانىن بۇزادى.

25. دىمىم جوق دەگەن كۇننىڭ وزىندە قورىڭ بولۋى ءتيىس.

26. ءۇي تىرلىگىنە قابىلەتتى بول. ەشكىمنىڭ كومەگىنسىز- اق بار ءىستى تىندىرۋعا تىرىس.

27. «ەركەكتەر ەشقاشان جىلامايدى» دەگەن قاعيدانى بۇزبا!

28. تال ەك، مال باق. ءبىر كەزەك وسى ءىستى جاساپ كور.

massaget.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات