+7 (701) 759 90 19
7 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

دەنساۋلىق: كوزدى ەمدەۋدەگى قىزاناقتىڭ پايداسى

15 قىركۇيەك 18:54
:ءبولىسۋ
دەنساۋلىق: كوزدى ەمدەۋدەگى قىزاناقتىڭ پايداسى

نۇر- سۇلتان. قازاقپارات - جاز مەزگىلىندە ءسۇيىپ جەيتىن كوكونىستەردىڭ ءبىرى - قىزاناق. ال ونىڭ تىڭ پايداسى جايلى بىلە ءجۇرۋ ارتىق بولماس.

«ماسساگەت» پورتالىنىڭ دەنساۋلىق ايدارىنداعى كەرەك كەڭەستى وقىرمان نازارىنا ۇسىنامىز.

قىزاناقتىڭ قۇرامى В1, В2, В5, В6 جانە А, Е, С سياقتى دارۋمەندەرگە باي.

قىزاناقتى ۇنەمى پايدالانا وتىرىپ، يممۋندىق جۇيەنى نىعايتىپ، جۇرەك قىزمەتىن جاقسارتىپ، اس قورىتۋدى رەتتەپ، حولەستەريندى ازايتۋعا بولادى.

قىزاناق قانداي اۋرۋلاردى ەمدەۋگە قاۋقارلى؟

پسورياز، ەكزەما سياقتى ءتۇرلى تەرى اۋرۋلارى كەزىندە كۇنىنە قىزاناقتىڭ، كەم دەگەندە بىرەۋىن جەۋ كەرەك. سودان كەيىن تەرىدە وڭ وزگەرىس بولادى. قىزاناق ءتۇرلى ماسكالار جاساۋعا دا ءتيىمدى.

قىشقىلدىلىعى تومەن گاستريت جانە اسقازان جاراسى كەزىندە كۇندە جاڭا پىسكەن قىزاناق شىرىنىن تۇز قوسپاي ىشۋگە بولادى. ونى كۇنىنە ءۇش رەت، جارتى ستاقاننان تاماقتان كەيىن قولدانۋ قاجەت. ەمدەۋ كۋرسى ەكى اپتاعا سوزىلادى.

جاڭا پىسكەن قىزاناق راتسيونىڭىزعا ەنگىزىلگەن بولسا، كۇيزەلىس جانە ناشار كوڭىل كۇيدى وڭاي ەڭسەرۋگە بولادى. قىزاناقتىڭ قۇرامىندا سەروتونين، ياعني باقىت گورمونى بار. وسى گورمون جەتكىلىكتى مولشەردە بولىنبەگەن جاعدايدا ادام كۇيزەلىستىك كۇيگە تەز تۇسەدى. سوندىقتان، قىزاناق جۇكتى ايەلدەر ءۇشىن وتە پايدالى.

قىزاناق كاتاراكتانىڭ الدىن الادى

ەگەر قىزاناقتى ءسۇيىپ جەسەڭىز، كوزىڭىز جاس ۇلعايعاندا پايدا بولاتىن كاتاراكتادان قورعايدى. ويتكەنى قىزاناقتىڭ قۇرامىندا В2 ريبوفلاۆين دارۋمەندەرى بار. ال ارنايى زەرتتەۋ جۇرگىزگەن ماماندار بۇل دارۋمەندەردى قولداناتىن ادامدار كوز اۋرۋىنىڭ وسى تۇرىنەن زارداپ شەكپەيتىندەرىنە كوز جەتكىزگەن.

قىزاناقتىڭ قۇرامىندا بەتا- كاروتيننىڭ كوپ بولۋىنا بايلانىستى قىزاناقتى تاعامداردى ءجيى قولداناتىندار كوزدەرىنىڭ وتكىرلىگىمەن ماقتانا الادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات