18:05, 23 - شىلدە 2016 | GMT +6
يۆان ساۋەر: جەر رەفورماسى بويىنشا كوميسسيانىڭ پارلامەنتكە ايتار ۇسىنىستارى بار
اتىراۋ. قازاقپارات - مەنىڭ ويىمشا، جەر رەفورماسى بويىنشا كوميسسيانىڭ اتىراۋ وبلىسى حالقىمەن كەزدەسۋىنىڭ باستى ناتيجەسى - ورتاق تۇسىنىستىككە، نەگىز قالاۋشى ۋاعدالاستىققا قول جەتكىزۋىمىز، دەپ مالىمدەدى كوميسسيا مۇشەسى جانە «رودينا» اگروفيرماسىنىڭ باس ديرەكتورى يۆان ساۋەر.
«كوميسسيا جۇمىسىنىڭ اياقتالىپ كەلە جاتقانىن بايقاۋعا بولادى. كوميسسيانىڭ پارلامەنتتىڭ قاراۋىنا ۇسىناتىن ۇسىنىستارى بار. ءبىز جەردى جالعا بەرۋ، ياعني الدىڭعى كودەكستە بولعان ەرەجەلەر ساقتالىپ قالادى دەگەن ورتاق تۇسىنىككە كەلدىك. 49 جىل جالداعاننان كەيىن وتاندىق تاۋار وندىرۋشىلەر جالعا الۋ مەرزىمىن ۇزارتا الادى. داۋ تۋدىرعان الدىڭعى كودەكستە ءدال وسى ەرەجە كۇشىن جويعان ەدى. جانە بۇل - وتە ماڭىزدى. بۇل بارلىق تاۋار وندىرۋشىلەردى ساباسىنا ءتۇسىردى. ەندى بۇل ەشقانداي كۇدىك تۋدىرمايدى جانە ەشكىم داۋلاسۋعا تىرىسپايدى»، - دەدى ي. ساۋەر.