قازاقستاندا جەر ساپاسى تۋرالى پاسپورت ەنگىزۋ ۇسىنىلدى

None
None
اتىراۋ. قازاقپارات - بۇگىن اتىراۋ قالاسىندا جەر رەفورماسى جونىندەگى كوميسسيانىڭ وتىرىسى ءوتتى.

كوميسسيا مۇشەسى، اگروتەحنيكالىق ۋنيۆەرسيتەتتىڭ رەكتورى اقىلبەك كۇرىشبايەۆ العاشقىلاردىڭ ءبىرى بولىپ كوكەيىندەگى ۇسىنىستاردى ايتتى. كوميسسيانىڭ ماقساتى مەن مىندەتىن ايتا كەلە ول نەگىزگى بەس پروبلەمانى اتاپ كورسەتتى.

ونىڭ ايتۋىنشا، قازىر تۋىنداپ جۇرگەن ماسەلەلەردىڭ بارلىعى اۋىل شارۋاشىلىعىنا ارنالعان جەرلەردى جالعا بەرۋ جونىندەگى ارنايى زاڭنىڭ جوقتىعىنان بولىپ وتىر. ياعني، ا. كۇرىشبايەۆ اتاپ وتكەندەي، اۋىل شارۋاشىلىعىنا ارنالعان جەرلەر وسى سالادا ءبىلىمى بار اۋىل تۇعىندارىنا بەرىلۋى كەرەك.

سونداي-اق، جەردى جالعا بەرۋ ءتارتىبى دەموكراتيالىق جولمەن، ياعني، ارنايى كوميسسيانىڭ اياسىندا شەشىلىپ، بۇرىنعىداي اكىمدىك ارقىلى ءبولىنۋى ماسەلەسى توقتاتۋلى كەرەك دەگەن ۇسىنىس ايتىلدى.

«جەردىڭ ساپاسىن مونيتورينگتەۋ ماسەلەسىن دە قولعا الۋ كەرەك. قازىر كوپ شارۋاشىلىقتاردىڭ جەرگە قاتىستى پاسپورتى جوق. دامىعان ەلدەردە جەردىڭ پاسپورتى 3-5 جىل سايىن جاڭارىپ وتىرادى. ءبىزدىڭ جەر ساپاسىن باعالاۋ ءادىسىمىز ابدەن ەسكىرگەن، ول ءادىس وتكەن عاسىردى 50- جىلدارى ازىرلەنگەن بولاتىن. جەر ساپاسىن باعالاۋدى جاڭا تالاپتارعا ساي قايتا ازىرلەپ شىعۋ كەرەك»، - دەدى ا. كۇرىشبايەۆ.

اقىلبەك كۇرىشبايەۆ سونداي-اق، جەردى زاڭسىز ءبولۋ فاكتىلەرى ءجيى كەزدەسەتىنىن ءمالىم ەتتى. سولاي بولا تۇرا، ونىڭ ايتۋىنشا، جەردى زاڭسىز بولگەندەردىڭ جازاسى تىم جەڭىل. جەر رەفورماسى جونىندەگى كوميسسيانىڭ بۇگىنگى وتىرىسىندا جەردى زاڭسىز بولگەنى ءۇشىن جازانى كۇشەيتۋ ماسەلەسى تالقىلاندى.

اۆتور: كەنجەكەي توقتامۇرات قىزى

 

سوڭعى جاڭالىقتار