اتىراۋ حالقى: جەر ماسەلەسى بويىنشا قوعامدا ورتاق كەلىسىم قاجەت
جەر رەفورماسى بويىنشا كوميسسيانىڭ اتىراۋ وبلىسى حالقىمەن كەزدەسۋىندە قاتىسۋشىلار ءوز پىكىرىن وسىلاي جەتكىزدى.
جەر رەفورماسى بويىنشا كوميسسيا دەر كەزىندە قۇرىلىپ، ساياسي- الەۋمەتتىك تۇسىنىسپەۋشىلىك ازايدى. ساراپشىلاردىڭ پىكىرىنشە، كوميسسيا جۇمىسى قوعامدا ديالوگتىڭ نىعايۋىنا اسەر ەتتى.
كەزدەسۋدە اتىراۋلىقتار جەردىڭ كيەلى ۇعىم ەكەنىن ايتا كەلىپ، پىكىرلەردىڭ ورتاق مۇددەگە توعىسۋى كەرەك ەكەنىن جەتكىزدى.
بۇعان دەيىن حابارلانعانداي، بۇگىن ق ر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆتىڭ توراعالىعىمەن جەر رەفورماسى بويىنشا قۇرىلعان كوميسسيا مۇشەلەرى اتىراۋ وبلىسىنىڭ حالقىمەن كەزدەسىپ وتىر.
جيىنعا اۋىل شارۋاشىلىعى تاۋارىن وندىرۋشىلەر، كاسىپكەرلەر مەن قاۋىمداستىقتار، ءار سالاداعى قوعامدىق كەڭەس مۇشەلەرى، پارتيا جانە كاسىپوداق ۇيىمدارى، ورتالىق جانە جەرگىلىكتى اتقارۋشى ورگاندار وكىلدەرى قاتىسۋدا. سونداي-اق، ءوڭىر اۋداندارىنىڭ تۇرعىندارى سەلەكتورلىق رەجىمدە بايلانىسقا شىقتى.