اتىراۋدا جەر رەفورماسى بويىنشا كوميسسيا مۇشەلەرىنىڭ وبلىس حالقىمەن كەزدەسۋى ءوتىپ جاتىر

None
None
استانا. قازاقپارات - بۇگىن ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆتىڭ توراعالىعىمەن جەر رەفورماسى بويىنشا كوميسسيا مۇشەلەرى اتىراۋ وبلىسى حالقىمەن كەزدەسۋدە.

كەزدەسۋگە اۋىل شارۋاشىلىعى تاۋارىن وندىرۋشىلەر مەن كاسىپكەرلەر، سالالىق وداقتار مەن قاۋىمداستىقتار، بارلىق دەڭگەيدەگى قوعامدىق كەڭەس مۇشەلەرى، پارتيالىق جانە كاسىپوداق ۇيىمدارى، ورتالىق جانە جەرگىلىكتى اتقارۋشى ورگاندار قاتىسىپ، ءوڭىر اۋداندارىنىڭ تۇرعىندارى سەلەكتورلىق رەجيمدە بايلانىسقا شىعىپ وتىر.

جەر رەفورماسى بويىنشا كوميسسيانىڭ نەگىزگى مىندەتتەرى - ەلباسى ايرىقشا تاپسىرعانداي، بۇعان دەيىن قۇرىلعان قۇقىقتىق، ەكونوميكالىق، اقپاراتتىق- ءتۇسىندىرۋ جانە اشىقتىقتى قامتاماسىز ەتۋ جونىندەگى ءتورت جۇمىس توبىنىڭ ءتيىمدى قىزمەتى ارقىلى قالىڭ كوپشىلىكپەن پىكىر الماسىپ، جەر زاڭناماسىنىڭ نورمالارىنا قاتىستى ۇسىنىستاردى قاراۋ.

وسىنى تىلگە تيەك ەتكەن قر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ا. مىرزاحمەتوۆ كوميسسيانىڭ وڭىرلەردەگى جۇمىسىندا بەلگىلى ءبىر پرينسيپتەردىڭ قالىپتاسقانىن، ياعني، اشىق تۇردە ەشقانداي شەكتەۋسىز ناقتى كوتەرىلىپ وتىرعان ماسەلەگە بايلانىستى پىكىر ايتام دەگەندەرگە شەكتەۋ بولمايتىنىن اتاپ ءوتتى.

«ءبىز بۇل جەرگە داۋلاسۋ ءۇشىن ەمەس، جەر مەن ەل تاعدىرىن اقىلداسۋ ءۇشىن جينالىپ وتىرمىز. جەر ماسەلەسىن اقىلمەن، سابىرمەن، جان- جاقتى تالقىلاۋ ارقىلى قاراپ، شوعىرلانعان ءتۇيىندى ماسەلەلەردى شەشۋدىڭ جاقسى ۇلگىسىن كورسەتۋىمىز قاجەت»، - دەدى كوميسسيا ءتوراعاسى.

كۇن تارتىبىندە الدىڭعى قوزعالعان تارماقتاردىڭ زاڭدى جالعاسى رەتىندە ءۇش ماسەلە قارالادى:

بىرىنشىدەن، اۋىل شارۋاشىلىعى جەرلەرىن قازاقستاندىقتارعا جالعا بەرۋ ينستيتۋتىن جەتىلدىرۋ. ونىڭ ىشىندە، جەردى ۇتىمدى پايدالانۋعا باقىلاۋدى كۇشەيتۋ، جەردى جالعا بەرۋ راسىمدەرىنىڭ اشىقتىعىن، تيىمدىلىگىن ارتتىرۋ، ءبىر قولعا جالعا بەرىلەتىن جەرلەردىڭ شەكتى (ەڭ جوعارى) مولشەرىن بەلگىلەۋ، قازاقستان رەسپۋبليكاسىنىڭ شەكارالاس اۋماقتارىنان بەرىلەتىن اۋىل شارۋاشىلىعى جەرلەرىن پايدالانۋ ءتارتىبىن كۇشەيتۋ.

ەكىنشىدەن، ەلدى مەكەن ماڭايىنان جەرگىلىكتى تۇرعىنداردى قاجەتتى جايىلىمدىق جەرلەرمەن قامتاماسىز ەتۋ جۇيەسىن قالىپتاستىرۋ

ۇشىنشىدەن، موراتوري جاريالانعان 2 ماسەلەگە (قازاقستاندىقتارعا جەكە مەنشىككە جانە شەتەلدىكتەرگە جالعا بەرۋ) بايلانىستى پىكىر الماسۋ كوزدەلىپ وتىر.

null

سوڭعى جاڭالىقتار