اقتوبە وبلىسىنىڭ اكىمى قىتايلىقتارعا جەر ساتتى دەپ، وزىنە جالا جاپقان ادامدى سوتقا بەرمەكشى
بۇل تۋرالى وبلىس اكىمى بۇگىن 2016 -جىلدىڭ 1 -جارتى جىلدىعىنىڭ قورىتىندىسى بويىنشا وتكەن باسپا ءسوز ءماسليحاتى كەزىندە ءمالىم ەتتى.
- ءبىزدىڭ زاڭ بويىنشا جەر شەتەلدىلىكتەرگە ساتىلا المايدى. اقپاراتتى جوققا شىعارۋ ءۇشىن ءۇرجار اۋدانى اكىمىنەن رەسمي جاۋاپتى كۇتتىم. مۇنى جوققا شىعارعان حاتتى الدىق. مەن ش ق و اكىمى بولعانىمدا شەتەلدىكتەرگە 1 گەكتار جەر دە ساتىلمادى. بۇل جىگىتتى بۇرىن كورگەن ەمەسپىن. وزگەلەرگە ساباق بولۋى ءۇشىن ونى سوتقا بەرەمىن، - دەپ اتاپ ءوتتى اكىم.
ءۇرجار اۋدانى اكىمىنىڭ جاۋابىنا سايكەس، اتالعان جەر - 87 مىڭ گەكتار جەر وسى اۋداننىڭ اۋىل شارۋاشىلىعى تاۋارىن وندىرۋشىلەرگە - «دارەمەت» ج ش س ديرەكتورى س. حۆانعا (شامامەن 30 مىڭ گەكتار)، «ىرعىن» ج ش س ديرەكتورى ا. ىزىمعاليەۆكە، (8,7 مىڭ گەكتار)، «مانفاگات» ج ش س ديرەكتورى ن. تاسمۇراتوۆقا (48,9 مىڭ گەكتار) بەرىلگەن.