كاسپي تەڭىزىنىڭ قۇقىقتىق مارتەبەسى تۋرالى كونۆەنتسيانى قابىلداۋ بارلىق ءوڭىر ءۇشىن العا ۇلكەن قادام بولماق - ك. ءماسىموۆ
پرەمەر-مينيستر سىرتقى ساياسي ۆەدومستۆولاردىڭ باسشىلارىنا ب ۇ ۇ قاۋىپسىزدىك كەڭەسىنىڭ تۇراقسىز مۇشەلەرىنە قازاقستاننىڭ كانديداتۋراسىن قولداعانى ءۇشىن العىس ايتتى، دەپ حابارلايدى Pm.kz.
كارىم ءماسىموۆ سوڭعى جىلدارى ەلدەرىمىزدىڭ اراسىنداعى ءوزارا ءىس-قيمىل ەداۋىر جاندانعانىن ايتىپ ءوتىپ، «كاسپي بەستىگى» اياسىنداعى ىنتىماقتاستىقتىڭ جوعارى دەڭگەيىنە قاناعاتتاناتىنىن ءبىلدىردى.
كەزدەسۋگە قاتىسۋشىلار كوپ جاقتى سەرىكتەستىكتىڭ جانە كاسپي تەڭىزىنىڭ قۇقىقتىق مارتەبەسىنىڭ وزەكتى ماسەلەلەرىن تالقىلادى.
«كاسپي تەڭىزى - ءبىزدىڭ ەلدەردىڭ دامۋىنىڭ ماڭىزدى ماسەلەلەرىنىڭ ءبىرى. كاسپي تەڭىزىنىڭ قۇقىقتىق مارتەبەسى تۋرالى كونۆەنتسيا جوباسىن قابىلداۋ ءۇشىن ءوزارا ءتيىمدى شەشىمگە كەلەمىز دەگەن ۇمىتتەمىن. بۇل بارلىق ءوڭىر ءۇشىن العا ۇلكەن قادام بولماق»، - دەدى ك. ءماسىموۆ.
كەزدەسۋ قورىتىندىسى بويىنشا تاراپتار ءوزارا دوستىق تۇسىنىستىكتى ودان ءارى نىعايتۋعا، بارلىق سالالاردا ءوزارا ءتيىمدى ىنتىماقتاستىقتى، ونىڭ ىشىندە كاسپي تەڭىزىن ۇيلەستىرىلگەن پايدالانۋ، كاسپيدەگى قاۋىپسىزدىكتى قامتاماسىز ەتۋ بويىنشا دامىتۋعا دايىندىقتارىن ءبىلدىردى.
ەستەرىڭىزگە سالساق، ازەربايجان، يران، رەسەي جانە تۇركىمەنستاننىڭ سىرتقى ساياسي ۆەدومستۆولارىنىڭ باسشىلارى كاسپي تەڭىزىنىڭ قۇقىقتىق مارتەبەسى تۋرالى كونۆەنتسيا جوباسى بويىنشا پوزيتسيانى كەلىسۋ ءۇشىن استاناعا كەلدى.