+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

قۇربان ايتتى رەسمي مەرەكە قىلۋ ماسەلەسىندە، كىمدەر قارسى شىقتى

6 قىركۇيەك 17:41
:ءبولىسۋ
قۇربان ايتتى رەسمي مەرەكە قىلۋ ماسەلەسىندە، كىمدەر قارسى شىقتى

نۇر- سۇلتان. قازاقپارات - قوعام قايراتكەرى امانگەلدى ايتالى ەلىمىزدە قۇربان ايت مەرەكەسىنە رەسمي مارتەبەنىڭ قالاي بەرىلگەنى تۋرالى ايتىپ بەردى.

بۇل تۋرالى aktobenews.kz حابارلايدى.

- بۇل وقيعا 2004 -جىلى بولدى. مەن ول كەزدە ق ر پارلامەنتى ءماجىلىسىنىڭ دەپۋتاتى ەدىم. اقتوبە وبلىسى ايتەكە ءبي اۋدانىنىڭ اقساقالدارى ماعان ءبىر ساۋال قويدى.

«بىزدەر وزبەكستاندا دا بولدىق. رەسەيدىڭ تاتارستانى مەن باشقۇرتستانىنا دا باردىق.

وسى باۋىرلاس ەلدەردە ورازا ايت پەن قۇربان ايت رەسمي مەرەكەلەر رەتىندە تويلانادى. ءبىزدىڭ ەلىمىز نەگە مۇسىلماندىققا بەت بۇرىپ، اتالعان ەكى مەرەكەنى رەسمي تۇردە تويلامايدى؟» دەدى، - دەيدى امانگەلدى ايتالى.

وسىدان كەيىن ول اۋىل اقساقالدارىنىڭ اماناتىن ق ر پارلامەنتى ماجىلىسىنە جەتكىزگەن.

- ۇلكەن اقساقالدارىمىز وسىنداي يگىلىكتى ءىستى مەملەكەتتەن كۇتتى. سوسىن ءبىراز مەملەكەتتىڭ زاڭدارىن وقىپ، تانىسىپ، «مەرەكەلەر تۋرالى» زاڭعا 4-باپ قىلىپ، ءدىني مەرەكەلەر رەتىندە ورازا ايت پەن قۇربان ايت جانە وعان روجدەستۆو حريستوۆو مەرەكەسىن دە قوسىپ، زاڭ جوباسىن دايىنداپ، ماجىلىسكە ۇسىندىق. مەن جانە ءبىر ورىس دەپۋتات بايانداما جاسادىق.

ءبىراق ءبىزدىڭ زاڭ جوبامىز وتپەي قالدى. بۇل زاڭعا، اسىرەسە قازاقتار قارسى شىقتى،

- دەپ ءوز قىنجىلىسىن ءبىلدىردى بۇرىنعى دەپۋتات.

دەگەنمەن، بۇل ءىس اياقسىز قالماپتى. ايتالىنىڭ ايتۋىنشا، ءماجىلىس وتىرىسىنان 2-3 كۇن وتكەننەن كەيىن «ەگەمەن قازاقستان» رەسپۋبليكالىق گازەتى ەرلىك جاسايدى.

گازەتتە «ءبىزدىڭ ەلىمىزدە ءدىنسىز دەپۋتاتتار بار ەكەن» دەگەن ماقالا جاريالانادى.

اقىرى، ماسەلە قايتا كوتەرىلىپ، ق ر ەڭبەك كودەكسىندە مۇسىلمانداردىڭ قۇربان ايتى پەن پراۆوسلاۆتاردىڭ روجدەستۆوسىنا رەسمي مەرەكە كۇنى رەتىندە مارتەبە بەرىلەدى.

- ءوزىڭ كىم بولساڭ، ول بول! قۇدايسىز بولاسىڭ با؟.. ءبىراق سەنى سايلاعان حالىق نەگىزىنەن ءدىندار حالىق قوي. سەن حالىقتىڭ اتىنان كەلىپ وتىرسىڭ عوي. بۇل مەملەكەتتە حالىقتىڭ 70 پايىزى مۇسىلماندار، - دەيدى ماجىلىستەگى كۇندەرىن ەسكە العان قوعام قايراتكەرى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات