USD 427.84 EUR 443.8
RUB 6.67 CNY 63.02
جاڭالىقتار

عالىمدار: ەڭ بيىك تاۋ ەۆەرەست ەمەس

23 قاراشا 14:24
:ءبولىسۋ
عالىمدار: ەڭ بيىك تاۋ ەۆەرەست ەمەس

نۇر-سۇلتان. قازاقپارات - 1953-جىلى ەدمۋند حيللاري مەن تەنتسينگ نورگرەي الەمدەگى ەڭ بيىك تاۋ - ەۆەرەست شىڭىنا العاش رەت شىققان ۋاقىتتان بەرى بۇل ماقساتتى ءوز الدىنا كوپتەگەن الپينيستتەر قويدى.

الايدا ولار تاۋ شىڭىن دۇرىس تاڭداعان جوق.

The Daily Mail- ءدىڭ حابارلاۋىنشا، ءىس جۇزىندە عالامشاردىڭ ەڭ بيىك نۇكتەسى - ەكۆادورداعى چيمباراسو سونگەن جانارتاۋى. ونىڭ بيىكتىگى نەبارى 6267 مەتر بولسا دا (ەۆەرەستتىڭ بيىكتىگى - 8848 مەتر)، عالىمدار ەۆەرەستتى نەگە الەمنىڭ ەڭ بيىك نۇكتەسى دەپ ساناماۋ كەرەك ەكەنىن تۇسىندىرە الادى.

سوڭعى رەت ب. د. 1- مىڭجىلدىعىندا اتقىلاعان كونە چيمبوراسو XVI عاسىردان باستاپ XIX عاسىردىڭ سوڭىنا دەيىن الەمنىڭ ەڭ بيىك شىڭى سانالعان. ءبىراق كەيىن بۇل مالىمەتتەردى ءۇندى ماتەماتيگى جانە توپوگرافى رادحانات سيكحار جوققا شىعاردى، دەپ جازادى moya-planeta.ru.

ءجۇزجىلدىقتاردان كەيىن فرانسيالىق عالىمدار جەر عالامشارىنىڭ بەتى تۇگەل شار ءتارىزدى ەمەس، ونىڭ ەكۆاتورداعى راديۋسى پوليۋستەرگە قاراعاندا 20 شاقىرىمداي كەڭىرەك ەكەنىن ەسكە سالدى. چيمبوراسو ەۆەرەستكە قاراعاندا ەكۆاتورعا جاقىنىراق ورنالاسقان. ەۆەرەست تەڭىز دەڭگەيىنە سۇيەنسەك قانا ەڭ بيىك تاۋ سانالا الادى. ال ەگەر تاۋدى جەر ورتاسىنان باستاپ ەسەپتەسە، چيمبوراسو جانارتاۋى ەۆەرەستتەن بىرنەشە مەتر بيىكتەۋ بولادى (ەۆەرەست - 6381 مەتر، چيمبوراسو - 6384 مەتر).



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات