USD 434.34 EUR 491.93
RUB 5.56 CNY 68.67
جاڭالىقتار

جوتەلدەن كۇنباعىس مايىنىڭ كومەگىمەن قالاي قۇتىلۋعا بولادى؟

23 قاراشا 14:40
:ءبولىسۋ
جوتەلدەن كۇنباعىس مايىنىڭ كومەگىمەن قالاي قۇتىلۋعا بولادى؟

نۇر-سۇلتان. قازاقپارات - كۇنباعىس مايىنىڭ پايداسى مول، دەپ جازادى «ماسساگەت» پورتالى. ونىڭ، تەك جوتەل عانا ەمەس، ءبىرقاتار دەرتكە شيپالى ەكەنىن وقىرمان نازارىنا ۇسىنامىز.

ارتروز (بۋىن سىرقاتتارى)

ارتروز اسقىنىپ، تىزە بۋىندارى قاتتى اۋىرسا، كۇنباعىس مايىن پايدالانعان ءجون. ول ءۇشىن بالدىر ۇنتاعىنىڭ ءبىر بولىگىن كۇنباعىس مايىمەن جاقسىلاپ ارالاستىرىپ، دايىن بولعان سوڭ اۋىرعان جەرگە جاعىڭىز. سودان كەيىن ءۇستىن جىلى ماتامەن وراۋ كەرەك. بۇل ءادىستى اۋىرسىنۋدى باساتىن ءدارى ورنىنا قولدانۋعا بولادى.

تاماعىڭىز اۋىرسا


الوە شىرىنى مەن كۇنباعىس مايىن بىردەي كولەمدە الىپ ارالاستىرىڭىز. دايىن قوسپامەن تاماعىڭىزدى شايىڭىز. ال ەگەر تونزيلليت، لارينگيت سەكىلدى كۇردەلى تاماق اۋرۋلارىنا تاپ بولساڭىز، وندا تازارتىلماعان كۇنباعىس مايىن سارىمساق سولىمەن ارالاستىرىپ، ينگالياتسيا جاساڭىز.

جوتەل

جوتەلىڭىز توقتاماسا، مۇساتىرلى سپيرت پەن كۇنباعىس مايىن 2:1 قاتىناسىنداي ەتىپ ارالاستىرىپ، دايىن قوسپامەن كوكىرەگىڭىزدى ءسۇرتىڭىز.

ماستيت (ءسۇت بەزىنىڭ قابىنۋى)

كىشىگىرىم ىدىسقا لالاگۇل مەن كۇنباعىس مايىن سالىپ، جاقسىلاپ ارالاستىرىڭىز، شامامەن 10 مينۋت سۋ جىلىتقىشقا قويىپ قايناتىڭىز. سۋىعان سوڭ تۇنبانى الىپ، كەۋدەگە جەڭىل ماسساج جاساڭىز.

اياقتاعى قان اينالىم بۇزىلسا


مۇنداي جاعدايدا لاۆر جاپىراقتارىنان مايلى تۇنبا دايىنداۋ قاجەت. ول ءۇشىن 2/3 ستاقان ۇنتاقتالعان لاۆر جاپىراعىنا ءبىر ستاقان كۇنباعىس مايىن قوسىپ، قاراڭعى جەردە 6 كۇن ۇستاڭىز. سودان سوڭ جىلى ۆاننا دايىنداپ، اياعىڭىزدى وسى مايلى تۇنبامەن ءسۇرتىڭىز.

تاباندا ويىلعان سىزاتتار پايدا بولسا

كۇنباعىس مايىن سۋ جىلىتقىشقا سالىپ قايناتىڭىز. قايناتىپ العان سوڭ سۋىعانىن كۇتىڭىز. دايىن بولعاننان كەيىن وسى مايدىڭ كومەگىمەن تابانداعى، وكشەدەگى ويىلعان سىزاتتاردان ارىلاسىز.

**

الوە - سۋككۋلەنتتى (ىلعالدىلىقتى ساقتاي الاتىن ارنايى ۇلپاسى بار) وسىمدىكتەر توبىنا جاتاتىن گۇل. شىققان جەرى وڭتۇستىك افريكا ايماعى بولىپ سانالادى. نەگىزىنەن، قۇرعاق ءارى قۇمدى شولدەردە وسەدى. الوە ءسوزى اراب تىلىنەن شىققان. ماعىناسى «اشى» دەگەن سوزدى بىلدىرەدى. سونداي- اق، ەمدىك قاسيەتىنە بايلانىستى «ءۇي گۇلدەرىنىڭ كورولى» دەگەن دە بالاما اتقا يە.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات