كوپتەن كۇتكەن «قازاق ەلى» مۋلتفيلمىن ەڭ ءبىرىنشى بالالار ءۇيىنىڭ تاربيەلەنۋشىلەرى تاماشالادى - فوتو

None
None
استانا. قازاقپارات - كەشە «Kinopark 8 3D» كينوتەاترىندا قازاق حاندىعىنىڭ قۇرىلۋىنىڭ 550 جىلدىعىنا ارنالعان «قازاق ەلى» اتتى قازاق مۋلتيپليكاتسياسى تاريحىنداعى تۇڭعىش تاريحي تولىقمەتراجدى انيماتسيالىق فيلمىنىڭ تۇساۋكەسەرى ءوتتى.

تۋىندىنىڭ العاشقى كورەرمەندەرى استانا قالاسىنىڭ بالالار ءۇيى مەن از قامتىلعان وتباسىلاردىڭ بالالارى بولدى.

ءوزىنىڭ ماڭىزدىلىعى جاعىنان ايرىقشا «قازاق ەلى» انيماتسيالىق فيلمى بولاشاق حاندار جانىبەك پەن كەرەيدىڭ بالالىق شاعى مەن ەسەيۋ جىلدارى تۋرالى باياندايدى. كارتينادا باس كەيىپكەرلەردىڭ شايقاستىڭ ايلا-تاسىلدەرىن، عىلىمدى قالاي مەڭگەرگەندەرى جانە بوستاندىق پەن تاۋەلسىزدىك ءۇشىن كۇرەس جولىندا قازاق ەلىنىڭ باسىن قالاي بىرىكتىرگەندىگى جايلى اڭگىمەلەنەدى. مۋلتفيلمنىڭ كادرلارىندا شەتسىز-شەكسىز قازاق دالاسى، زاڭعار تاۋلار جانە سىعاناق، وتىرار، تاراز جانە تۇركىستان سەكىلدى ەجەلگى قالالار بەينەلەنگەن.

جوباعا تانىمال وتاندىق عالىمدار مەن جازۋشىلار اتسالىسقاندىقتان، فيلم تاريحي فاكتىلەرمەن ءورىلىپ، بالالارعا تۇسىنىكتى تىلدە جەڭىل ءارى قىزىقتى وقيعالار ارقىلى قامتىلىپ كورسەتىلەدى. انيماتسيالىق فيلمنىڭ باس كەڭەسشىسى ارىستانبەك مۇحامەدي ۇلى، تاريح عالىمدارىنىڭ دوكتورى، پروفەسسور جامبىل ارتىقباي جانە جازۋشى، كينودراماتۋرگ دۋلات يسابەكوۆ. باس كەيىپكەرلەردى ع. مۇسىرەپوۆ اتىنداعى قازاق مەملەكەتتىك اكادەميالىق بالالار جانە جاسوسپىرىمدەر تەاترىنىڭ، سونداي-اق، ج. شانين اتىنداعى وڭتۇستىك قازاقستان وبلىستىق قازاق دراما تەاترىنىڭ ارتىستەرى دىبىستادى. فيلمنىڭ ساۋندترەكتەرىن نۇرلان ابدۋللين، ساكەن مايعازيەۆ سىندى باسقا دا تانىمال قازاقستاندىق انشىلەر ورىندادى.

رەجيسسەرى باتىرحان داۋرەنبەكوۆ، سەناريىن جازعان ءساعادىلدا ۇسىپباليەۆ، باقىتجان قۇلجاباي، كومپوزيتورى رۋسلان شىنىقۇلوۆ، قويۋشى سۋرەتشىسى ازامات ەرنازاروۆ، باس پروديۋسەرى ءسابيت ءابدىقالىقوۆ، ديرەكتورى نۋريددين پاتتەيەۆ.

كارتينانىڭ جاسالۋىندا 2-D جانە 3D تەحنولوگيالار پايدالانىلعان. بۇل فيلم بارىسىنداعى قازاق جەرىنىڭ اسەم تابيعاتىن، سول زامانداعى جىبەك جولى بويىندا ورنالاسقان ساۋران، وتىرار، سىعاناق سياقتى ءىرى قالالار، ءزاۋلىم حان سارايلارىنىڭ كوركەمدىگىن كورسەتۋگە مۇمكىندىك بەردى.

سونىمەن بىرگە، كىشكەنتاي كورەرمەندەرىمىز ەلوردامىز استانانىڭ بۇگىنگى كوز سۇيسىندىرەر كوركىن دە تاماشالاي الادى. فيلم كوركەم تۋىندى بولعاندىقتان تاريحي فاكتىلەرگە سۇيەنە وتىرىپ بالالارعا تۇسىنىكتى تىلدە جەڭىل ءارى قىزىقتى وقيعالار ارقىلى قامتىلىپ كورسەتىلەدى. 3D انيماتسيا مەن قازاق فولكلورىنىڭ ۇيلەسۋى جوبانىڭ بىرەگەيلىگىمەن ەرەكشەلەنەدى. جوباعا 60 تان اسا ادام جۇمىلدىرىلدى. تۋىندىنىڭ باس پروديۋسەرى ءسابيت ءابدىقالىقوۆتىڭ پىكىرىنشە، قازاقستاندىق ارتىستەر تاريحي تۇلعالارعا ءتان بەينەنى دۇنيەگە اكەلۋ ءۇشىن ايانباي ەڭبەك ەتكەن.

«قازاق ەلى» اتتى تۇڭعىش تاريحي انيماتسيالىق فيلمى جالپى ۇلتتىق پروكاتقا 19- مامىردان باستاپ شىعادى.

null null null null null null null null null 

سوڭعى جاڭالىقتار