تاۋىس تۋرالى قىزىقتى دەرەكتەر - فوتو

نۇر- سۇلتان. قازاقپارات - تاۋىس (پاۆلين) - الەمدەگى ەڭ عاجايىپ قۇستاردىڭ ءبىرى، قىرعاۋىل تۇقىمداسىنا جاتادى. تۋىستىعى جاعىنان قورازدارعا وتە جاقىن.

ول جاندىكتەرمەن، تۇقىمدارمەن، وسىمدىكتەرمەن، كەيدە ۇساق جانۋارلارمەن قورەكتەنەدى.

وزگەلەردەن وزگەشە ءتۇر بەرىپ، تارتىمدى ەتەتىن، الىپ جەلپىتكىش سەكىلدى قاناتشاسى تەك ۇرعاشى تۇرلەرىندە بولادى، ال ەركەك تاۋىستار قاراپايىم قۇسقا ۇقسايدى. ۇرعاشىسى ودان ەكى ەسە كىشى بولادى.

ءبىز اۋزىمىزدىڭ سۋى قۇرىپ، تامسانا تاماشالايتىنىمىز - قۇيرىعى ەمەس، قاۋىرسىنى. ونىڭ قۇيرىعى قىسقا، 40-50 سانتيمەتر بولادى. ال قاۋىرسىنى 2 مەترگە دەيىن جەتەدى. دەنە تۇرقى - 100-125 سانتيمەتر.

قاۋىرسىنىنىڭ تاعى ءبىر ەرەكشەلىگى - وزگە قۇستارمەن بايلانىس ورناتۋ. بۇل «تىلدە» تەك تاۋىستىڭ ۇرعاشى تۇرلەرى دىبىستاي الادى. قاۋىرسىنىن قوزعاعان كەزدە ادامعا ەستىلمەيتىن ينفرادىبىس شىعادى. ءبىزدىڭ قۇلاعىمىزعا جاپىراق سىبدىرىنداي بوپ ەستىلۋى مۇمكىن. نەگىزىندە جيىلىگى 20 گ س-گە دەيىن جەتەدى.

بۇل سۇلۋدىڭ ءبىر عانا كەمشىلىگى - مىسىقتىڭ مياۋلاعانىنداي اششى داۋىسى. اسىرەسە، جاڭبىر جاۋار الدىندا ەرەكشە دىبىستايدى.

مۇنداي ۇلكەن ءارى ۇزىن قاۋىرسىندى كوتەرىپ ءجۇرۋ قيىن سەكىلدى كورىنەدى. ءبىراق ءبارى ءبىز ويلاعانداي ەمەس. ول مۇنىمەن وپ-وڭاي جۇگىرەدى، ءتىپتى ۇشادى.

تاۋىستار - اسا ساق قۇس. ولار جاۋىنىڭ جاقىنداعانىن، اۋا رايىنىڭ بۇزىلاتىنىن دا مەرزىمىنەن بۇرىن بىلەدى. وسىندايدا قاۋىرسىنى جاۋىنان قورعاناتىن قىزمەت تە اتقارادى. قاۋىپتى سەزسە، بىردەن قاناتىن جايادى.

تاۋىس العاش رەت ءۇندىستاندا قولعا ۇيرەتىلگەن. قازىر وسى ەلدىڭ نىشانى تاۋىس سانالادى. ول تاكاپپارلىق، سۇلۋلىق بەلگىسى رەتىندە دە قابىلدانادى

massaget.kz