ءانشى ماقپال يسابەكوۆا باتىرحان شۇكەنوۆتىڭ كوزى تىرىسىندە ونى ەرەكشە جاقسى كورەتىنىن ايتا الماعانى ءۇشىن وكىنىپ جۇرگەنىن ايتتى
ءانشى ەندى ونەردەگى اعالارىنىڭ الدىندا باسىن يەتىنىن ايتىپ، باتىرحان شۇكەنوۆتىڭ كوزى تىرىسىندە ونى ەرەكشە جاقسى كورەتىنىن ايتا الماعانى ءۇشىن وكىندى.
بۇل تۋرالى Stan.kz حابارلايدى.
كۇنى كەشە رينات زايىتوۆتىڭ سۇحباتىن كوردىم. ومىرلىك ۇستانىمدارىنا ادال بىرەگەي تۇلعا. شىندىق ءۇشىن جانىنىن ايامايتىن جان. ودان قانداي اتاعىنىڭ بار ەكەندىگى تۋرالى سۇراعان كەزدە، «ماعان اتاقتىڭ كەرەگى جوق. بەرگەن كۇننىڭ وزىندە قايتارىپ بەرەتىن ەدىم وزدەرىنە!» دەدى. وسى ساتتە كوزدەرىنە زەر سالساڭىز، بىردە-ءبىر جاساندىلىقتى بايقامايسىز. مۇندايدا «ءوز زامانىنىڭ باتىرى» دەيدى. ادال، شىنايى، مىنەزدى ازامات، ءوزىنىڭ ءىسىن بىلەتىن، ءوزىنىڭ ەلىن سۇيەتىن حالقىنىڭ اينىماس ۇلى»، - دەپ ايتىسكەر اقىندى تۋعان كۇنىمەن قۇتتىقتادى.
ءانشىنىڭ ايتۋىنشا، رينات زايىتوۆتىڭ الەۋمەتتىك جەلىدە وتىرماۋىنا شىنايى ءومىردىڭ ءار ساتىنەن ءلاززات الا بىلەتىندىگى سەبەپ.
«بۇل سۋرەت نەگە تۇر دەپ ويلاپ تۇرعان شىعارسىزدار؟! مەن شىن تالانتتى كوزى تىرىسىندە، قاسىمىزدا جۇرگەن كەزدە باعالاۋىمىز كەرەكتىگىن ايتقىم كەلەدى. ولاردىڭ قانشالىقتى تالانتتى ەكەنىن، حالىققا كەرەك ەكەنىن ءجيى ايتقانىمىز ءجون! باتىردى ساعىنىپ ءجۇرمىن. وعان كوپ نارسە ايتىپ ۇلگەرمەدىم. كەزىندە ءۇنسىز قالماۋىم كەرەك ەدى...»، - دەپ ءانشى جۇرەكتەن شىققان ماحابباتتى يەسىنە بىردەن جەتكىزۋگە كەڭەس بەردى.
بۇدان وزگە ماقپال يسابەكوۆا ءانشى باتىرحان قايتىس بولعان كەزدە «ءبىر نارسە ايتۋ قيىن. ءدال قازىر جانىم مەن جۇرەگىمنىڭ قانشالىقتى قينالىپ جاتقانىن سوزبەن جەتكىزۋ مۇمكىن ەمەس. باتىر اعا... باتىر... ءسىز ءدال بۇلاي ارامىزدان كۇتپەگەن جەردەن ەرتە كەتىپ قالماۋىڭىز كەرەك ەدى. مەن سىزگە كوپ نارسە ايتىپ ۇلگەرمەدىم. جۇرەگىمدەگى سىزگە دەگەن ماحابباتىمدى، العىسىمدى جەتكىزە المادىم. ءسىزدىڭ ءانىڭىز عانا ەمەس، ءوزىڭىز دە ماڭگىلىك جادىمىزدا ءومىر سۇرەسىز. كوپ راحمەت. ءسىزدى ماڭگىلىك سۇيەمىن، ەشقاشان ۇمىتايمىن»، - دەپ كۇيىنىشىن جەتكىزگەن-ءدى.