الەمگە تانىمال دانىشپانداردىڭ جازۋى ناشار بولىپتى

None
None
استانا. قازاقپارات - جازۋىم ادەمى ەمەس دەپ قام جەيسىز بە؟ ۋايىمداماڭىز. ەسىمى دۇنيە جۇزىنە تاراعان زيالى ادامداردىڭ دا جازۋى ناشار بولىپتى. مىسالى:

ناپولەون.

ول ءومىر بويى جازۋىن وزگەرتىپ، الەك بولعان ەكەن. ال، ۋاقىت وتە كەلە، مۇلدەم تۇسىنىكسىز بولىپ كەتكەنگە ۇقسايدى. ونىڭ «كليسسون جانە ەۆگەنيا» دەگەن رومانىن زەرتتەگەن ماماندارعا، تەر توگۋگە تۋرا كەلگەن.

پۋشكين

ءيا، تاڭ قالعان بولارسىز. ايگىلى جازۋشى، اقىن الەكساندر پۋشكيننىڭ جازۋى دا ناشار بولىپتى. ونىڭ وقىتۋشىلارى مەن زامانداستارى، ونى ادەپسىزدىككە جاتقىزعان ەكەن.

لەرمونتوۆ

قانشالىقتى ادەمى جازۋعا تىرىسقانىمەن، لەرمونتوۆتىڭ جازۋى، تۇسىنىكسىز جانە ايعىز -ايعىز بولعان ەكەن. ال، گرافولوگيا تۋرالى كىتاپتاردىڭ بىرىندە، لەرمونتوۆتىڭ جازۋىن، جۇيكەسى توزعان ادامنىڭ جازۋىنا جاتقىزىپتى.

چەرچيلل

بريتانيالىق ساياساتشى، كورنەكتى مەملەكەت قايراتكەرى، شەشەن، اسكەري وفيتسەر، تاريحشى، نوبەل سىيلىعىنا يە بولعان جازۋشى جانە اۋەسقوي سۋرەتشىنىڭ دە جازۋىن ەشكىم تۇسىنبەگەن كورىنەدى. ال، چەرچيللدىڭ جازۋىن كلەوپاترانىڭ جازۋىنا تەڭەگەن كەزدە، ول ءماز بولعان كورىنەدى.

كارل ماركس

فيلوسوف، ساياساتتانۋشى، الەۋمەتتانۋشى، تاريحشى كارل ماركس، سوزدەردى ءبىر بىرىنە قوسىپ جازعان ەكەن.

لەوناردو دا ۆينچي


ايگىلى سۋرەتشىنىڭ قولجازبالارىن ايناعا قاراتىپ تۇرىپ قانا وقۋعا بولادى. بۇل ادەيى ويلاپ تابىلعان ايلا.


ليۋدۆيگ ۆان بەتحوۆەن

بەتحوۆەننىڭ سۇيىكتى كوشىرۋشىسى قايتىس بولىپ، توعىزىنشى سيمفونياسىنىڭ قولجازباسى ەكى جىلدان كەيىن عانا باسىلىپ شىققان ەكەن. ونىڭ سەبەبى، كوشىرۋشىنىڭ ەكى وقۋشىسى دانىشپاننىڭ جازۋ ماشىعىن وڭايلىقپەن تۇسىنە قويماپتى. بەتحوۆەن، كوشىرۋشىلەردىڭ قاتەلەرىن تۇزەپ وتىرىپ، اشۋلانعان كەزىندەدە «ەي، سەن اقىماق!»، دەپ جازىپ قويعان ەكەن.

البەرت ەينشتەين

فيزيك- تەورەتيك، قازىرگى فيزيكانىڭ نەگىزىن سالۋشىلاردىڭ ءبىرى، تەك تۇسىنىكسىز عانا ەمەس، وتە ۇقىپسىز جازعان ەكەن. ونىڭ جازبالارى سيا داقتارى مەن ساۋساق ىزدەرىنە تولى بولعان كورىنەدى.

ليەۆ تولستوي


جازۋشى، اعارتۋشى، تانىمال پۋبليتسيست، سوزدەرىنە نەشە ءتۇرلى نىشاندار قويىپ جازعان ەكەن. سوندىقتان ونىڭ جازۋىن تەك ايەلى عانا تۇسىنە العان. «سوعىس جانە بەيبىتشىلىك» («ۆوينا ي مير») رومانىن بىرنەشە رەت كوشىرگەن دە جازۋشىنىڭ جارى. پسيحياتر چەزارە لومبروزو ليەۆ تولستويدىڭ جازۋىن كورىپ، پسيحولوگيالىق اۋىتقۋى بار جەڭىلتەك قىزدارعا ءتان جازۋ ەكەندىگىن ايتقان.

كومپيۋتەردىڭ ومىرگە كەلۋى قولمەن جازۋدى ءبىرشاما ازايتتى. سوندىقتان، بۇگىندە جازۋىڭىزدىڭ قيقى- شويقى بولۋى قاتتى ماڭىزدى ەمەس. ەڭ باستىسى ساۋاتتى جازا ءبىلۋ.

http://el.kz


سوڭعى جاڭالىقتار