+7 (701) 759 90 19
2 °С : نۇر-سۇلتان
13 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

جومارتتىق جونىندە پاتشالار حيكاياسىنان

23 شىلدە 17:26
:ءبولىسۋ
جومارتتىق جونىندە پاتشالار حيكاياسىنان

نۇر- سۇلتان. قازاقپارات - ... اتىمتاي جومارتتار قازاقتا ەجەلدەن بولعان. ولاردىڭ دارقان پەيىلى اڭىزدارعا اينالىپ، كەيىنگىنىڭ جادىنا اسىل نۇر بوپ قۇيىلعان. ۇلى پاتشالاردىڭ دا جاساعان جومارتتىقتارى تاريحتا انىق تاڭبالانعان.

ماسەلەن، جارتى الەمگە بيلىگىن جۇرگىزگەن ءامىر تەمىر ءۇندىستاندى تىزە بۇكتىرىپ، باعىندىرعان قۇرمەتىنە سامارقاندا قىرىق كۇن تويلاۋعا رۇقسات بەرىپ، ءار كەلگەن قوناققا ءبىر تۋ قويدان جەتەلەتىپ جىبەرۋدى بۇيىرىپتى.

ءوزى شارۋا كيىمىن كيىپ، ءبىر كوپىردىڭ استىندا وتىرىپ، تويعا كەلىپ- كەتىپ جاتقان جۇرتتىڭ اۋجايىن اڭداپتى. شارتاراپتان كەلگەن ءار دەڭگەيدەگى قوناقتار قىرىق كۇندىك تويدا ويناپ- كۇلىپ، ءتۇرلى قىزىقتى تاماشالاپ، شاراپقورى شاراپقا بوگىپ، كەدەي- كەپشىك تويا اس جەپ، ءبارى- ءبارى ءبىر- ءبىر قويدان جەتەلەپ ريزا كوڭىلمەن تاراپ جاتىپتى. ۇلى قولباسشىنىڭ تاپقىرلىعى مەن قاھارماندىعىنا جانە شەكسىز جومارتتىعىنا ماداق ايتىپ بارا جاتقاندار كوپ ەدى.

ءبىراق شاراپقا شالا ماس بولعان، ءبىر ادام العان قويىن يگەرە الماي قاتتى نالىپتى. «ەي جەر الەمىنىڭ بيلەۋشىسى، تۋ قويىڭدى بەردىڭ، ءبىراق نەگە ونى بايلاپ اكەتۋگە ءبىر قۇلاش ارقانىڭدى قىزعاندىڭ؟!» دەپتى. مۇنى ەستىگەن ءامىرشى: «قانشا جومارتتىق جاساساڭ دا جۇرتتىڭ كوڭىلىن تولىق تابا المايدى ەكەنسىڭ» ، دەپ كەيىپتى.

...

نۇرباي ەلمۇراتوۆ

«ەگەمەن قازاقستان»



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات