الەمدەگى ەڭ قاۋىپتى بومبالار - فوتو

نۇر- سۇلتان. قازاقپارات - الەمدەگى الپاۋىت مەملەكەتتەردىڭ قولىنداعى ءبىر تۇيمەسى كوزدەگەن مەملەكەتىن جەر بەتىنەن جوق قىلۋعا قاۋقارلى.

ەكىنشى دۇنيەجۇزىلىك سوعىس كەزىندە 1945-جىلى جاپونيانىڭ ناگاساكي مەن حيروسيما قالالارىنا تۇسكەن اتوم بومبالارى بۇگىنگى كۇنگە دەيىن ادامزات بالاسىن كۇرسىندىرەتىنى انىق.

امەريكا تاراپىنان اتىلعان حيميالىق قارۋ قانشاما جاننىڭ ءومىرىن قىرشىننان قيدى.

الەمنىڭ ءاربىر مەملەكەتى ءۇشىن قاۋىپتى بولعان بومبالاردى ازۋىن ايعا بىلەگەن مىقتى مەملەكەتتەر قاۋىپسىزدىك ءۇشىن ءالى كۇنگە دەيىن ساقتاپ كەلەدى. بۇگىنگى تاڭدا ەڭ قاۋىپتى ءۇش اتوم بومباسى قانداي جانە قاي ەلدەردە تۇرعانىنان حاباردار بولىڭىز.

2007-جىلى قۇراستىرىلعان رەسەيدىڭ تەرموباريالىق بومباسى (ا ۆ ب پ م) بۇگىنگى تاڭدا بارلىق مەملەكەت ءۇشىن قاۋىپتى.

سالماعى 7,1 توننانى قۇرايتىن جارىلعىش زات 44 توننالىق كۇشپەن جارىلادى. قۇرامىندا قانداي قوسپا بار ەكەنى بەلگىسىز. ازىرگە قاۋىپسىز بولعانىمەن، تۇيمەنى باسقاننان كەيىن تۇسكەن جەرى قانداي بولاتىنىن ەلەستەتۋدىڭ ءوزى قورقىنىشتى.

بۇگىنگى كۇندە ەڭ قاۋىپتى اقىلدى بومبالار يزرايلدە دەپ ەسەپتەلەدى. دالدىك جاعىنان ءمۇلت كەتپەي، ءارى ۇزاققا جىلدام جەتەتىن جارىلعىش زات يزرايل ەلىنىڭ اسكەري قارۋلارىنىڭ ىشىندە بار. مۇنداي بومبالاردى 10 جىلدان ارتىق ساقتاۋعا بولمايدى.

امەريكا قۇراما شتاتى دا بۇل تىزىمگە ەنگەن. ەركىن قۇلايتىن بومبا (BLU-82 Daisy Cutter) دەپ سانالادى. ەڭ العاش ۆەتناممەن سوعىس بارىسىندا ورماندى القاپتارعا تىك ۇشاق قوناتىن ورىنداردى جاساۋ ءۇشىن پايدالانسا، كەيىننەن اۋعانستانداعى تاليباندارعا قارسى پايدالانعان.

ۇلكەن كولەمدى جەرگە تارالىپ جويىپ جىبەرمەسە دە، تۇسكەن مەجەسىنەن قۇتىلىپ كەتۋ مۇمكىن ەمەس. سالماعى 6,8 توننا، ۇزىندىعى - 5,73 مەتر، كولەمى 1,56 مەتر بولاتىن جارىلعىش زات ەڭ قاۋىپتى بومبالار قاتارىندا.

massaget.kz