بۇگىن - ايگىلى اقىن، كومپوزيتور نارتايدىڭ تۋعان كۇنى
قىزىلوردا وبلىسى شيەلى اۋدانىندا تۋعان.
الەۋمەتتىك مازمۇنداعى ولەڭ- تولعاۋلارىمەن («ساراڭ بايعا» ، «مىرزالىق ەمەس» ، «جەسىر داۋى»، «ءبىر قويشىعا»، «ءسۇيىنشى»، «سىر»، «اق التىندى ايماعىم»، «كولحوزشىلارعا»، «مۇزبالاقتار» ) سىر بويىنا جاس كەزىنەن تانىمال بولادى.
بۇكىلوداقتىق اۋىل شارۋاشىلىق كورمەسىنىڭ اشىلۋ قۇرمەتىنە ارنالعان ەتنوگرافيالىق كونسەرتكە، قازاق ادەبيەتى مەن ونەرىنىڭ ونكۇندىگىنە، رەسپۋبليكالىق اقىندار ايتىستارىنا قاتىسقان ۇلى وتان سوعىسى جىلدارىندا ارناۋلى كونتسەرتتىك بريگادا ۇيىمداستىرىپ، حالىقتىڭ رۋحىن كوتەرۋگە بەلسەنە ات سالىستى.
بەكەجانوۆ سىرنايمەن، دومبىرامەن ءان، تەرمە، تولعاۋ، جىر ايتۋ، ايتىس ءداستۇرىن دامىتقان، ءوزىنىڭ بىرەگەي ءان- جىر مەكتەبىن قالىپتاستىرعان سازگەر، اقىن، حالىق اندەرىن جانە ءوز اندەرىن ورىنداۋ شەبەرلىگىمەن قازاق ونەرىنىڭ تاريحىندا قالعان. ونىڭ «تولقىن»، «نارتاي سازى»، «احاۋ، جالعان»، «نارتايدىڭ ءانى»، ت. ب. اندەرى ۇلتتىق ءان ونەرىنىڭ التىن قورىنا قوسىلدى. شىعارمالارى «دومبىرا سازى»، «ولەڭدەرى مەن ايتىستارى»، «وسيەت»، «امانات» دەگەن اتپەن جەكە كىتاپ بولىپ جارىق كوردى.
«قۇرمەت بەلگىسى» وردەنىمەن، مەدالدارمەن ماراپاتتالعان. قىزىلوردا وبلىسىنىڭ قازاق دراما تەاترىنا بەكەجانوۆ ەسىمى بەرىلگەن. وسى وبلىستىڭ شيەلى اۋدانىندا بەكەجانوۆ اۋىلى بار.