ديانا شاراپوۆا ءوز كونسەرتىنىڭ بيلەتتەرىن ءوزى ساتىپ ءجۇر - كەسكىن

None
None
استانا. قازاقپارات - قازاقستاننىڭ وڭتۇستىك ايماقتارىندا گاسترولدىك ساپارمەن جۇرگەن ءانشى ديانا شاراپوۆا كونسەرتتەرىنە بيلەتتى ءوزى ساتىپ ءجۇر.

بۇل تۋرالى ءانشىنىڭ ءوزى الەۋمەتتىك جەلىسىندەگى جەكە پاراقشاسىندا حابارلادى.

ديانا شاراپوۆانىڭ كومانداسىنداعى جاناشىرلارى ءانشىنىڭ جەكە ءان كەشىنىڭ بيلەتتەرىن ءوزى ساتىپ، وسىنداي كرەاتيۆتى ۇسىنىس ايتقان. الاڭدارعا شىعىپ ءوز بيلەتىن ءوزى ساتقان ديانانى كەيبىر تىڭدارماندار تانىماعان كورىنەدى. الايدا، ءانشىنىڭ اندەرىن جاقسى بىلەتىندەر ونىڭ ءوز قولىنان بيلەت ساتىپ العاندارىنا قۋاندى. ءانشى دە ءوز كەزەگىندە بيلەتتەردى ساتۋ وعان كوتەرىڭكى كوڭىل كۇي سىيلاعانىن جانە ۇلكەن تاجىريبە بولعاندىعىن جەتكىزدى.

«قازىر كوپ انشىلەر جەكە كونسەرتتەرىن وتكىزبەيدى. ەلىمىزدىڭ باسقا قالالارىنا ءتىپتى بارمايدى. كينوتەاترعا بيلەت 1200، ال جاندى داۋىستاعى كونسەرتكە بيلەت 1000 تەڭگە تۇرسا دا، زالدى كورەرمەنگە تولتىرۋ قيىن»، - دەپ ءانشى ءوز رەنىشىن ءبىلدىردى.

ديانا شاراپوۆا اتىراۋ، شىمكەنت، كەنتاۋ سياقتى قالالاردا جەكە ءان كەشىن وتكىزىپ ۇلگەردى. ەندى جاقىن كۇندەرى قىزىلوردا مەن بايقوڭىردا كونسەرتىن بەرۋدى جوسپارلاپ وتىر.

 

سوڭعى جاڭالىقتار