بۇگىن قازاقستاننىڭ حالىق جازۋشىسى تۇمانباي مولداعاليەۆ دۇنيەگە كەلگەن كۇن
الماتى وبلىسى ەڭبەكشى قازاق اۋدانىندا تۋعان. قازاق مەملەكەتتىك ۋنيۆەرسيتەتىنىڭ (ءال-فارابي اتىنداعى قازاق ۇلتتىق ۋنيۆەرسيتەتى) فيلولوگيا فاكۋلتەتىن ءتامامداعان.
ەڭبەك جولىن «لەنينشىل جاس» (قازىرگى «جاس الاش») گازەتىندە ادەبي قىزمەتكەر بولۋدان باستاعان. «پيونەر» جۋرنالىنىڭ ادەبي قىزمەتكەرى، «جازۋشى» باسپاسىنىڭ رەداكتورى، اعا رەداكتورى، «بالدىرعان» جۋرنالىنىڭ جاۋاپتى حاتشىسى قىزمەتتەرىن اتقارعان. «بالدىرعان» جۋرنالىنىڭ باس رەداكتورى بولدى.
تۇڭعىش ولەڭدەر جيناعى 1957-جىلى «ستۋدەنت داپتەرى» دەگەن اتپەن جارىق كوردى. سودان بەرگى ۋاقىت ىشىندە اقىننىڭ قىرىقتان استام كىتابى باسىلدى. بىرنەشە جيناقتارى ورىس تىلىندە ماسكەۋ، الماتى باسپالارىنان شىقتى. ورىس جانە باتىس كلاسسيكتەرىنىڭ، سونداي-اق تۋىسقان رەسپۋبليكالار اقىندارىنىڭ ولەڭدەرىن قازاقشالاعان.
ن. تىلەنديەۆتىڭ، ش. قالداياقوۆتىڭ، ءا. بەيسەۋوۆتىڭ كوپتەگەن اندەرىنە ولەڭ جازعان («قۇستار قايتىپ بارادى»، «ءانىم سەن ەدىڭ»، «ەرتىس ۆالسى»، «شاقىرادى كوكتەم»، ت. ب).
«پاراسات» وردەنىمەن، مەدالدارمەن، قازاق ك س ر جوعارعى كەڭەسىنىڭ گراموتاسىمەن ماراپاتتالعان. رەسپۋبليكا كومسومولى سىيلىعىنىڭ، بۇكىل تۇركى دۇنيەسى اقىندارىنىڭ فيزۋلي اتىنداعى حالىقارالىق سىيلىعىنىڭ يەگەرى.
