USD 429.57 EUR 447.35
RUB 6.94 CNY 63.23
جاڭالىقتار

جەتىستىككە جەتكىزبەيتىن سوزدەر

14 شىلدە 14:45
:ءبولىسۋ
جەتىستىككە جەتكىزبەيتىن سوزدەر

نۇر- سۇلتان. قازاقپارات - ءاربىر جان اينالاسىنداعى ادامدارمەن قارىم- قاتىناستى نىعايتقىسى كەلەدى. ەگەر سوزدىك قورىڭىز كوپ بولسا، كەز- كەلگەن اداممەن ءتىل تابىسۋ وڭاي.

ءسىز اڭگىمە اراسىندا ءارتۇرلى سوزدەردى ايتىپ ونى تاڭعالدىرا باستايسىز. كەي جاعدايدا «اۋزى كۇيگەن ءۇرىپ ىشەدى» كۇيىن كەشىپ، ءبىر ءسوزدى ايتقانعا وكىنەتىن كەزدەر دە از ەمەس. سوندىقتان كۇندەلىكتى تۇرمىستا پايدالانىلاتىن، ءبىراق سىزگە كەدەرگى كەلتىرەتىن سوزدەردى ايتپاۋعا كەڭەس بەرەمىز.

مۇمكىن ەمەس

ءبىر قاراعاندا مۇمكىن ەمەس جاعدايلار كوپ، الايدا بايىپپەن اقىلعا سالىپ قاراساڭىز، شەشىمىن تاباسىز. باسىڭىزعا ءىس تۇسكەندە الدىڭىزدان كوپتەگەن ۇسىنىستار مەن قيىندىقتار كەزدەسەدى. سول ۋاقىتتا ومىردەن تۇڭىلگەن ادامنىڭ ەڭ ءبىرىنشى ايتاتىن ءسوزى «مۇمكىن ەمەس». ءسىز مۇنى «ءيا، مەنىڭ قولىمنان كەلەدى» دەگەن تىركەسكە اۋىستىرىڭىز. بۇگىنگى ءاربىر ىستەگى ءسوزىڭىز ەرتەڭ جەمىسىن بەرەدى.

بولاشاقتا

ەشكىم بولاشاقتىڭ قانداي بولاتىنىن بىلمەيدى. بالكىم ءسىز بولاشاقتا قازىرگىدەن دە جاقسى ءومىر سۇرەسىز نەمەسە تاعدىردىڭ تالكەگىنە ءتۇسىپ، ءسۇرىنىپ كەتۋىڭىز مۇمكىن. سوندىقتان بولاشاقتا جاقسى ءومىر ءسۇرۋ ءۇشىن، قازىردەن قيمىلداعانىڭىز ابزال. سوندا عانا ءسىز بولاشاقتا بيىك بەلەستەرگە ۇمتىلاتىن بولاسىز. «كورىنگەن تاۋدىڭ الىستىعى جوق» دەگەندەي، قولدان كەلسە بۇگىننەن قالدىرماڭىز.

وكىنىشتى

ءسىز بۇل سوزىڭىزبەن ىشىڭىزدەن بىرەۋگە جانىڭىز اشۋى مۇمكىن نەمەسە ىشتەي قينالىسىڭىزدى سىرت كوزگە وسىلاي جەتكىزگىڭىز كەلدى. جىگىت ەشقاشان وكىنبەيدى، كەرىسىنشە باسقا تۇسكەن قيىندىقتى شەشۋگە تالپىنادى. ەگەر ءسىز باقىتتى ادامنىڭ كەيىپىندە جۇرگىڭىز كەلسە، وندا ءسىز ءۇشىن وكىنەتىن تۇك جوق.

جاساي المايمىن

ەگەر قيىندىققا كەزىكسەڭىز «جاساي المايمىن» دەپ، بىرەۋگە مۇڭ شاقساڭىز، شىنىمەن ءالسىز ەكەنىڭىزدى قاسىڭىزداعىلار سەزەدى. ءسىز وزىڭىزبەن قاتار قانشاما ادامنىڭ سەنىمىن اقتاپ ءجۇرسىز. مۇنى ەستەن شىعارماعانىڭىز دۇرىس. باسپەن جاساعان ءىستى، مويىنمەن كوتەرۋ كەرەك.

ەرتەڭ

ءسىزدىڭ ەرتەڭگە قالدىرار ودان دا ارتىق تىرلىكتەرىڭىز بار. الايدا ءسىز بۇگىن بىتىرەر كىشكەنتاي جۇمىستى ەرتەڭگە قالدىرىپ وتىرسىز. بۇگىن بىتپەگەن تىرلىكتىڭ ەرتەڭ بىتۋىنە ءوزىڭىز سەنبەسەڭىز، باسقا ەشكىم سەنبەيدى. سوندىقتان نە ويلاساڭىز دا سول ۋاقىتتا بىتىرۋگە تىرىسىڭىز. ويتكەنى ءسىزدىڭ ميىڭىز ەرتەڭگە جاسايتىن جۇمىستاردى ەرتەڭ بەرەدى.

massaget.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات