ايراننىڭ قانداي پايداسى بار؟

نۇر- سۇلتان. قازاقپارات - ايران - سۇتتەن جاسالاتىن اعارعان. ايراننىڭ ادام اعزاسىنا پايداسى مەن قاسيەتى مول. ماسەلەن، ادام ءتۇرلى تاماقتاردان ۋلانعان كەزدەردە دە ايراندى قولدانادى. سەبەبى بۇل ءونىم اعزانى تازارتىپ قانا قويماي، ءوزىنىڭ دارۋمەندەرىمەن ەمدەپ جازادى.

اۋرۋعا قارسى تۇرۋ قاجىرىن كوتەرەدى. مەديتسينا تىلىمەن ايتقاندا «جەدەل جاردەم اس». ال بۇل ءسۇت ءونىمىن ارنايى اشىتقى ارقىلى دايىندايدى. انىعىراق ايتساق، سۇتكە قامجىلى كەزىندە ۇيىتقى سالىپ، 3-4 ساعات جىلى جەرگە قويادى.

ايراننىڭ ۇيىتقىسى قويۋ بولعانى ءجون

ايران - قازاقستاندى، ورتا ازيادا، قىرىمدا، كاۆكازدا كەڭىنەن تاراعان تاعام. سوندىقتان بولسا كەرەك، بۇل تاعامنىڭ شىعۋ تاريحىن ءار ەل وزىندەرىمەن بايلانىستىرىپ العان. ءبىراق اناعىندا ايراننىڭ ناعىز توركىنى - قازاق ەلى. ايراننىڭ قۇرامى سۇتكە ۇقساعانىمەن، ۇيىتىلعان سوڭ پايدالى دارۋمەندەرىنىڭ سانى اعاعۇرلىم ارتا تۇسەدى. سوندىقتان بولسا ەرەك، ءشولىمىزدى قاندىرادى ءارى تويىمدى تاماق. قازاقتىڭ ەڭ تانىمال ۇلتتىق تاعامدارىنىڭ ءبىرى - ايران قاسيەتىن بارشا قازاق بىلەدى. كەشكى استان سوڭ، مىندەتتى تۇردە 1 كەسە ايراندى تۇتىنعان. بۇل استى قورىتۋعا كومەگىن تيگىزەدى ەكەن. كىشكەنتاي نارەستەلەرگە دە ايران بەرگەن، اۋرۋ- سىرقاۋدان ساق بولسىن دەپ. جۇكتى ايەلگە دە وسى تاعامدى تۇتىنۋعا كەڭەس بەرگەن. كەز كەلگەن تاعاممەن بىرگە قوناق الدىنا دا اعارعان ايرانىن ۇسىنعان. بۇل قوناقجايلىلىقتىڭ بەلگىسى. وسىلايشا قازاقتىڭ داستارحانىننان ايران ۇزىلمەي كەلەدى. ۇزاق جولعا شىعار كەزدە دە ايراننىڭ ءرولى ەرەكشە بولعان. ءتىپتى ۇيگە جىلان كىرگەندە دە باسىنا اق قۇيىپ شىعارىپ سالعان.

عالىمدار اتى سۋىق اۋرۋلاردى دا وسى ايرانىمىز ەمدەگەنىن ايتادى. ەمدىك قاسيەتى مول سۋسىندى جاقتىرمايتىن ادام اعزاسى جوق. بۇلاي دەپ وتىرعانىمىز دا سول ءسۇتتى ۇناتپايتىن ادامدار دا كەزدەسەدى. سەبەبى ولاردىڭ اعزاسى ءسۇت قۇرامىندا كەزدەسەتىن لاكتوزا دەگەن ەلەمەنتتى كوتەرە المايدى. سالدارىنان ىشكەبۋ، ديسكابەكتريوز سياقتى اۋرۋلار پايدا بولادى. ال ايراننىڭ مۇنداي رەاكسياسى مۇلدەم جوق. قايتا مۇنى ىشكەن ادام الدەنىپ، قاۋقارى ارتا تۇسەدى.

قۇرامىندا پايدالى دارۋمەندەرمەن قاتار كاليي مەن كالتسيي بار. بۇلاردىڭ قانداي ءرول اتقاراتىنى دا بەلگىلى. د دارۋمەنى دە بار. سۇيەكتىڭ بەرىكتىگىن قاتايتىپ، بۇلشىقەتتەردى نىعايتادى. بۇل از دەسەڭىز، اسقازان جولدارىن ەمدەپ، ىشەك اۋرۋلارىن جازادى. كوزدىڭ كورى قابىلەتتىلىگىن ارتتىرادى. ال ا دارۋمەنى تەرى قاباتىنىڭ جۇمساق ءارى ادەمى بولۋىنا جاعداي جاسايدى. ال فوسفور ءتۇرلى ينفەكتسيالاردىڭ الدىن الىپ، جۇقپالى دەرتتەردەن ساقتايدى.

ايران - ءاردايىم ديەتولوگتاردىڭ كەڭەس بەرەتىن اس ءمازىرى. قۇرامى كۇردەلى بولعانىمەن، سوڭى سەمىزدىككە الىپ كەلمەيدى. سەبەبى اعزاعا تۇسكەن ايران وزگە تاماقتاردى قورىتۋعا بەلسەندى. ايران ۇيقىسىزدىق دەرتىنىنڭ دە الدىن الادى، ياعني جۇيكە جۇيەسىن دە ەمدەيدى. ءتىپتى وتا جاسالعان ادامعا دا ايراندى ىشكىزۋ - بۇل اعزانىڭ تەز جازىلۋىنا اكەلەدى. ال قىز- كەلىنشەكتەر ايرىندى كوسمەتيكالىق باعىتتا دا پايدالانادى. بەتكە جاعىپ، 15 مينۋتتان كەيىن كۇن سايىن جۋىپ تاستاۋ ءاجىم تۇسۋدەن ساقتايدى ەكەن. بەتتى نارلەندىرىپ، قالپىنا كەلتىرەدى.

islam.kz