وزگەلەرگە ۇناۋدىڭ جولدارى قانداي؟

نۇر- سۇلتان. قازاقپارات - ادامنىڭ بارىنە بىردەي ۇناۋ مۇمكىن ەمەس. ويتكەنى اركىمنىڭ تاڭداۋى مەن تالعامى باسقا.

ءبىرى - مەيىرىمدى، ءاردايىم كۇلىمسىرەپ جۇرەتىن جاندى ۇناتسا، ەكىنشىسى - ەشكىمنىڭ پىكىرىمەن ساناسپاي، تەك ءوز بەتىنشە ءومىر سۇرەتىن جانداردى دوس ەتەدى.

وسىعان بايلانىستى massaget.kz كوپشىلىكتىڭ كوڭىلىنەن شىعۋعا كومەكتەسەتىن كەڭەستەر ۇسىنادى.

1. ءازىل-قالجىڭدى ءجيى ايتۋ. ازىلدەسە ءبىلۋدى تۋا بىتكەن مىنەز دەپ قاراۋدىڭ قاجەتى جوق. كەز كەلگەن ادام وزىنە سەنىمدىلىك، ءازىلقويلىق، جارقىن مىنەزدەردى قالىپتاستىرا الادى. اسىرەسە ۇنەمى جانىنداعى جاندارعا قۋانىش سىيلاپ، كۇلدىرىپ جۇرەتىن ادامدى جاقتىرمايتىندار از بولادى.

2. كىسىنى باعالاي ءبىلۋ. جاعىمپازدانۋ مەن ماقتاۋدىڭ تۇك قاجەتى جوق. دوسىڭنىڭ نەمەسە جانىڭا جاقىن جاننىڭ ارتىقشىلىعىن شىنايى باعالاي ءبىل.

3. قاراپايىمدىلىق. ءوزىڭىزدى دوستارىڭىزدىڭ، جاقىن جاندارىڭىزدىڭ الدىندا قاراپايىم ۇستاڭىز. ىستەگەن جاقسىلىقتارىڭىزدى ايتىپ جارياعا جار سالۋدىڭ قاجەتى جوق. از سويلەپ، كوپ ءىس تىندىرساڭىز، ول جايىندا جۇرتتىڭ ءوزى-اق ايتاتىن بولادى.

4. قايىرىمدىلىق. وزگەلەرگە كومەك قولىن سوزۋعا دايار تۇراتىن جاندار جۇرتشىلىققا ۇنايدى.

5. ناقتىلىق. وزگەگە وتىرىك ايتپاڭىز. ايتقان سوزىڭىزدە تۇرىڭىز. جاۋاپتىلىقتى سەزىنىپ، كەز كەلگەن ءىستى ۋاقىتىندا ورىنداۋعا كۇش سالاتىن جاندار جۇرتشىلىققا ۇنايدى.

6. وزگەلەردى تىڭداي ءبىلۋ. اڭگىمە بارىسىندا كىسىنىڭ ءسوزىن بولمەي، مۇقيات تىڭداساڭىز ونىڭ سىزگە دەگەن كوزقاراسى بۇرىنعىسىنان دا جاقسارا تۇسەتىن بولادى.

7. سىپايىلىق. وزگەلەرگە ۇناعىڭىز كەلسە ءوزىڭىزدى كەز كەلگەن ورتادا ءتارتىپتى، مادەنيەتتى ۇستاڭىز.