عالىمدار: باسپالداقپەن ءجۇرۋ ميدىڭ قارتايۋىن باسەڭدەتەدى

نۇر- سۇلتان. قازاقپارات - جاڭا زەرتتەۋ كورسەتكەندەي، باسپالداقپەن ءجۇرۋ ميدىڭ ساۋلىعىن ارتتىرادى، دەپ جازادى planet-today.ru.

Neurobiology of Aging جۋرنالىندا جاريالانعان زەرتتەۋدە ادام نەعۇرلىم باسپالداقپەن كوپ جۇرسە، ونىڭ ميى سوعۇرلىم جاسارا تۇسەدى دەپ جازىلعان. مونرەالداعى (كانادا) كونكورديا ۋنيۆەرسيتەتىنىڭ جەتەكشى زەرتتەۋشىسى دجەيسون ستەففەنەر مەن ونىڭ ارىپتەستەرى 19 جانە 79 جاس ارالىعىنداعى 331 دەنى ساۋ ادامنىڭ ميىن زەرتتەۋ ءۇشىن ماگنيتتى-رەزونانستى توموگرافيانى (م ر ت) پايدالاندى.

ولار قاتىسۋشىلاردىڭ ميىنداعى كۇكىرت مولشەرىن ولشەدى. ويتكەنى ونىڭ تومەندەۋى - قارتايۋ ۇدەرىسىنىڭ بەلگىسى. كەيىن ولار قاتىسۋشىلاردىڭ مي كولەمى مەن ولاردىڭ قانشا ۋاقىت ءبىلىم العانىن جانە باسپالداقپەن قانشالىقتى كوپ جۇرگەنىنىڭ اراقاتىناسىن ەسەپتەپ شىققان. وسىلايشا، ادام باسپالداق ارقىلى نەعۇرلىم كوپ كوتەرىلسە، ونىڭ ميى سوعۇرلىم «جاساراتىنى» بەلگىلى بولعان.